Is-sharany Aqmola oblysy boıynsha sybaılas jemqorlyqqa qarsy is-qımyl departamenti men oblystyq ishki saıasat jáne bilim basqarmalary uıymdastyrdy. Eki kúnge sozylǵan sletke oblystyń 19 óńirinen jınalǵan 100-den astam oqýshy qatysty. Olardyń ishinde «Adal urpaq» erikti mektep klýbtarynyń músheleri men oqýshylar arasyndaǵy jemqorlyqqa qarsy mádenıetti qalyptastyrý boıynsha qalalyq jáne aýdandyq konkýrstardyń jeńimpazdary bar. Sonymen qatar «Adal urpaq» mektep klýbtarynyń aýdandyq jáne qalalyq qoǵamdastyqtarynyń basshylary, qoǵamdyq birlestikter men qorlardyń ókilderi qatysty.
Slettiń baǵdarlamasy óte qyzyqty boldy. Sharanyń alǵashqy kúninde oblystyń barlyq mektepterinde ashylǵan parasattylyq jáne adaldyq mektepterin qoldaýǵa baǵyttalǵan «Jarqyn bolashaq» atty bı marafony ótti. Budan keıin oqýshylar toptarǵa bólinip «Adal jol» kvest-oıynyna qatysty. «Adal urpaq» klýbtarynyń «PechaKucha» formatyndaǵy prezentasııalyq jobalardy tanystyrý rásimi, sport jarystary, koých-bapkerlerdiń jáne mentorlardyń qatysýymen sheberlik saǵattar ótkizildi. Qatysýshylarǵa «Adal urpaq» erikti mektep klýbtarynyń úshinshi oblystyq sletine qatysqany úshin arnaıy sertıfıkattar tabystaldy.
Aqmola oblysy
