Egin oraǵy aptalap jaýǵan aq jaýynnyń saldarynan mejelegen ýaqyttan áldeqaıda kesh bastaldy. Bıylǵy naýqandyq jumystarǵa 8,4 myń astyq kombaındary qatysýda. Onyń 3518-i qazirgi zamanǵy ónimdiligi joǵary kombaındar. Osy arada aýyl sharýashylyǵy qurylymdary mashına-traktor parkin jańǵyrtý jaǵdaıy áli de máz emes ekendigin ekpin túsirip aıtqan jón. Ústimizdegi jyly nebary 114 jańa astyq jınaıtyn kombaın, 254 traktor satylyp alyndy. Bul negizinen iri qurylymdarǵa tıesili. Al, shaǵyn sharýashylyqtar áli de keshegi keńes zamanynan qalǵan qaýsaǵan tehnıkany áýpirimdep paıdalanyp júr.
Oraq jumysyn 26 jumys kúninde aıaqtap shyǵý josparlanǵan bolatyn. Endi jerde óngen jerde qalmas úshin eki aýysymdyq jumysty uıymdastyrý kerek.
Oblys boıynsha kúzgi dala jumystaryna 72 myń tonna kepildendirilgen dızel otyny, 3,8 myń tonna dızel maıy, 7,1 myń tonna benzın bólingen bolatyn. Búgingi tańda osy kólemniń 52,1 myń tonna dızel otyny tasymaldandy. 69 astyq qabyldaý kásiporny qaýyrt jumys isteýde. Bul kásiporyndar 4,6 mıllıon tonna astyq saqtaı alady. Sondaı-aq, aýyl sharýashylyǵy qurylymdarynda 2 mıllıon tonna astyq saqtaıtyn qoımalar, 230 astyq keptirgish bar. Mamandardyń 3 mıllıon tonnaǵa jýyq ylǵaldy astyq túsedi dep otyr. Astyqtyń shamadan tys ylǵaldy bolýy dıqandar úshin qaýip.
Esil aýdandyq aýyl sharýashylyǵy bóliminiń bas mamany Qaırat Ahmetjanovtyń aıtýynsha, kúni búginge deıin 115,5 myń gektar alqaptyń egini orylyp, 88,2 myń tonna astyq bastyrylǵan. Gektar berekesi 10,6 sentnerden aınalýda.
–Operator bolyp sanalatyn «Petro kz» kásiporny óz mindettemesin oryndamaı otyr,–deıdi bas maman,– sonyń saldarynan búgingi tańda tek qana 4 myń 119 tonna suıyq otyn tasymaldanyp alyndy.
Arqa tósindegi aqyq dán jolyndaǵy joryq jańa ǵana jandana bastady. Ala jazdaı alaókpe bolǵan dıqandardyń úmiti aqtalsa ıgi.
