Innovasııalyq ónertabys nanoqurylymdy beıorganıkalyq materıal sıntezdep alǵany úshin berilip otyr.
Hımııa ǵylymdarynyń doktory, professor Muhametqalı Mataevtyń jetekshiligimen Jaratylystaný fakýltetiniń oqytýshylary Janar Tursynova, Móldir Abdraımova men Ásel Kezdikbaeva birneshe jyldan beri oqý ornyndaǵy Keshendi hımııa-bıologııalyq ǵylymı-zertteý ortalyǵynda tájirıbe júrgizip keledi. Tabandy eńbek pen izdenis bosqa ketken joq. Ǵylymı ortada moıyndaldy, aıtarlyqtaı nátıjege qol jetkizdi.
Ǵalymdar aldaǵy ýaqytta da osy taraptaǵy zertteýlerin jalǵastyratyndyǵyn aıtady. Oǵan ýnıversıtettiń materıaldyq-tehnıkalyq bazasy tolyq múmkindik beredi.
– О́nertabys perovskıt qurylymy bar jańa qatty eritindilerdi alý tehnologııasyna jatady jáne hımııalyq ónerkásipte qoldanys tabady. Sonymen qatar ol spıntronıka elementterin jasaý kezinde jáne aqparatty jazatyn magnıttik tasymaldaǵyshtardyń tyǵyzdyǵyn arttyrý úshin paıdalanylady, – deıdi ǵalymdar.
Ýnıversıtettiń baspasóz qyzmetiniń jetekshisi Jandar Asannyń aqparatyna súıener bolsaq, bul ǵylymı top ıelengen ekinshi patent. Ǵalymdar buǵan deıin «YbBiNaFeO5 quramdy vısmýtty – ferrıtti alý joly» atty ónertabysqa ıe bolǵan edi. Ol nanoqurylymdy beıorganıkalyq materıaldy sıntezdep alǵany úshin berilgen.
