Altynaı Ábdýahımqyzy Asylmuratova jumys nátıjesi, Akademııanyń ártúrli damý aspektileri, jetistikteri jáne shyǵarmashylyq bilim berý prosesinde týyndaǵan máseleler jóninde baıandap berdi, sonymen qatar elimizdiń jetekshi horeografııalyq joǵary oqý orny aldynda bolashaqta turǵan mindetter týraly atady.
Úsh jyldyq jumys barysynda Akademııa shákirtteri elordanyń eń úzdik sahnalarynda oıdaǵydaı óner kórsetip júr. Tek 2018-2019 oqý jylynyń ishinde ǵana olar 30 spektakl men 32 konsertke qatysyp, «Tanzolymp» Halyqaralyq bı festıvali (Germanııa), Halyqaralyq horeografııa konkýrsy (Italııa), «Rıga kóktemi - 2019» XV halyqaralyq horeografııa konkýrsy (Latvııa), Latynamerıkandyq bıler boıynsha ADSF Chempıonaty (Gonkong, Qytaı), «Baltic Grand Prix-2018» halyqaralyq týrnıri (Latvııa), R.V.Zaharov atyndaǵy «Marııa» halyqaralyq jas horeograftar konkýrsy (Reseı), halyqaralyq bı óneri konkýrsy (Qytaı) sııaqty jáne basqa baıqaýlarda 16 joǵary júldege ıe boldy.
Esepti jyldaǵy mańyzdy oqıǵanyń biri Mádenıet jáne sport mınıstrliginiń qoldaýymen ótken Shara Jıenqulova atyndaǵy V Respýblıkalyq konkýrs boldy (naýryz, 2019 j.). Bul ulttyq bı merekesi respýblıkadaǵy 11 ujym men 17 jeke oryndaýshylardyń basyn qosty. Konkýrsqa qatysýshylardyń jalpy sany 300 adamnan asty.
О́z baıandamasynyń sońynda rektor Eýropalyq Odaqtyń jobalaryna qatysý jónindegi Akademııanyń taǵy bir jetistigimen bólisti. Akademııa alǵash ret Eýropalyq Odaqtyń granttar konkýrsyna qatysyp, Erazmýs+ qory jelisi boıynsha Italııa jáne Estonııa elderiniń 2 grantyna ıe boldy. Grant negizinde Akademııa stýdentteri men professorlyq-oqytýshylar quramy Rım qalasynyń (Italııa) Ulttyq bı akademııasynda jáne TARTÝ (Estonııa) Tallın ulttyq ýnıversıtetinde oqytýdan ótedi. Baǵdarlama 3 jylǵa arnalǵan. Joba 2019 jyldyń qyrkúıek aıynan bastap iske asyrylady.
