Atyna zaty saı osy aýyldyń turǵyndary kóńilderi taza, peıilderi keń, qyzǵa qyryq úıden tyıym, sharapsyz jıyn jasaıtyn berekeli aýylǵa aınalǵan. Aınabulaqta jaqynda «Aýyl kúni» atap ótildi. Atalǵan is-shara qarashańyraq – aýyldan túlep ushqan, sóıtip arman qýyp, maqsat kózdep jan-jaqqa ketken túlekterdiń basyn qosyp, ortaq múddege jumyldyryp, sol arqyly óskeleń urpaqqa úlgi bolý úshin jasalǵan edi. Ideıany usynyp, onyń júzege asýyna tikeleı muryndyq bolǵan Kenjeǵalı Másenov esimdi azamatymyzdy búkil aýyl turǵyndary qoldap, ortaq qazanǵa qarajat quıyp, oǵan aýyl joldaryn jóndeý, tozyǵy jetken zırat qorshaýyn jańalaý syndy jumystardy bir úıdiń balasyndaı bereke-birlikte, asa belsendilikpen atqardy. «Jumyla kótergen júk jeńil» ekenin kórsetti. Is-shara sońy dúbirli toıǵa ulasty.
Aýyldyń kórkeıýi – elimizdiń kórkeıýi dep bilý kerek. Sebebi búkil qazaqy bolmys pen ulttyq qundylyq osy aýyldan bastalady. «El bolamyn deseń – besigińdi túze» degen dana halqymyz. О́sip kele jatqan jas býynǵa Otandy súıýdi, týǵan jerdi, týǵan eldi qadirleýdi sózben emes, osyndaı naqty istermen kórsete bilgenge ne jetsin?!
Kenjegúl Tergembaeva,
jýrnalıst
