Baspasóz konferensııasynda QR DSM Bas onkology, QR DSM Qazaq onkologııa jáne radıologııa ǵylymı-zertteý ınstıtýtynyń basqarma tóraıymy Dılıara Qaıdarova men S.D.Asfendııarov atyndaǵy Qazaq ulttyq medısınalyq ýnıversıtetiniń Onkologııa kafedrasynyń dosenti Tolqyn Sadykova onkologııadaǵy qazirgi jaǵdaıǵa qatysty málimetter berdi.
Mamandardyń aıtýynsha, gınekologııalyq qaterli isik túrleriniń kóbeıýi jalǵyz bizdiń elimizge ǵana emes, búkilálemdik sıpatqa ıe. Al gınekologııalyq qaterli isiktiń eń jıi kezdesetin túrleri: jatyr moıny obyry, analyq bez obyry, endometrııa obyry jáne sarpaı (výlva) obyry jatady.
2018 jyly búkil álemde 1,3 mıllıon áıel gınekologııalyq obyr aýrýyna shaldyqty: 44% jýyǵynda jatyr moıny obyry, 23% – analyq bez qaterli isigi, 29% – endometrııa obyry jáne taǵy 5% – da basqa da oqshaýlaý tabyldy.
2018 jyly búkil álem boıynsha gınekologııalyq qaterli isikterden 468 000 áıel qaıtys boldy. Qaıǵyly oqıǵalardyń 67% jatyr moıny obyrynyń úlesinde. Osyǵan oraı, gınekologııalyq qaterli isik týraly áıelderdiń jalpy habardarlyq deńgeıi áli de aıtarlyqtaı tómen ekenin atap ótkimiz keledi.
Baspasóz máslıhatynda onkogınekologtar Qazaqstandaǵy gınekologııalyq qaterli isik aýrýyn erte dıagnostıkalaý men emdeýdiń sońǵy tendensııalary týraly, sondaı-aq osy qaterli isik aýrýynyń qol jetimdi ádisteri men aldyn-alý boıynsha aqparat berdi.
ALMATY
