Iаdrolyq qarýsyz álemge jol

Elbasynyń ıadrolyq qarýdan azat álem qurý jónindegi bastamalary Semeı ıadrolyq synaq polıgony ja­bylǵannan keıin alǵash ret sheteldik qoǵamdastyqqa usynylyp otyr. Kór­mede mýzeılik, arhıvtik jáne kitap materıaldary ne­gizinde ıadrolyq qarý­syzdaný jáne ja­han­dyq qaýipsizdik júıesin qurý men da­mytýdyń qaǵı­dattaryn jasaqtaǵan Qazaqstan Res­pýblıkasy Tuńǵysh Pre­zıden­tiniń tulǵasy kórsetilgen.

Kórmeni ashqan Elbasy kitapha­nasy­nyń dırektory, saıası ǵylymdar doktory, professor Ámirhan Rahym­janovtyń aıtýynsha, atalǵan joba – halyqtar arasyndaǵy turaqtylyq pen ózara túsinistiktiń negizi bolyp taby­latyn ıadrolyq qaýipsizdiktiń jahan­dyq taqyryby boıynsha qujattyq derek­kózderdi, mýzeılik jáne kitap top­ta­malaryn jınaý men zertteýdiń nátıjesi.

«Búgin Qazaqstannyń jańa tarı-
hynda alǵash ret sizderge eki el úshin mańyzdy da qyzyqty kóptegen máseleler men taqyryptardy qamtıtyn kór­meni zor qýanyshpen ári úlken tol­qýmen usynamyn. Qazaqstan da, Ja­ponııa da osy eki eldiń basshylary qabyl­daǵan pármendi sharalar negizin qalaǵan saıası mádenıet pen tarıhı damýdyń jańa deńgeıine kóte­rildi. Kún tártibin órkenıetti únqa­tysý men elimizdiń azamattarynyń qaýipsizdigi men gúldenýi úshin alǵan min­dettemelerdi dáıekti oryndaýǵa or­taq qa­jettilikter anyqtaıdy», – dedi Á.Rahym­janov.

Qor kórmesiniń ekspozısııalarymen tanysqan Qazaqstan Respýblıkasynyń Japonııadaǵy elshisi Erlan Baýdarbek-Qojataev óz sózinde: «Búgingideı kórme Japonııada alǵash ret ótýde. Munda nag­radalar qoıylǵan, olardyń qatarynda Nursultan Nazarbaevqa berilgen Ja­ponııanyń joǵary mem­lekettik nagradasy – Úlken lentadaǵy Hrızantema (Baqytgúl) ordeni bar.         

Sondaı-aq Elbasymyzǵa «Hırosıma qalasynyń aıryqsha qurmetti azamaty» arnaýly ataǵyn tapsyrý sáti beınelengen fotosýret te bar. Joba aıasyndaǵy qor kór­mesi, halyqaralyq konferensııadan tu­ratyn is-sharalar – eki eldiń ıadro­lyq qarýdy tarat­paý salasyndaǵy yntymaqtastyqty tereń­detý nıetiniń kórneki mysaly. Budan basqa, munda japondyq qoǵamdastyqqa qazaq­tyń zerger­lik buıymdary, ulttyq kıimi usy­nylǵan. Bul – bizdiń tarıhymyz ben máde­nıetimizdi tanystyrýda asa mańyzdy», dedi. 

Kórmeniń alǵashqy kelý­shileriniń biri tokıolyq kásipker Iýýıchıro Mıkamı Almatyda oqyǵan jyldaryn eske alyp, atalǵan sharanyń ma­ńyz­dy­lyǵyn ba­sa aıtty. «Japonııa Qazaq­stan týraly aqpa­ratqa zárý. Meniń ózim siz­der­diń elińizde oqy­ǵanyma qara­mastan, Qa­zaqstan týraly az biledi eken­min. Muny elimiz arasyndaǵy or­taq qyr­lar­dy ashqan búgingi kórmeden túsin­dim. Kórmede zertteýdi qajet etetin kóp­tegen tarıhı derekter kórsetilgen. Bú­ginde meniń bıznesim medısınalyq týrızm salasynda damýda. Meniń isimniń qazaq­standyqtarǵa da paıdasy tıer dep úmittenemin», dedi Iý.Mıkamı.

Kórmege 350-den asa eksponat, ar­hıvtik qujattar, fotosýretter men beınematerıaldar usynylǵan. Úsh bólimnen turatyn kórme Qazaq­stan Respýb­lıkasynyń Tuńǵysh Pre­zı­denti – Elbasy kitaphanasynyń Elbasy Keńsesi men Qory­nyń qoldaýymen, Qazaqstan Respýb­lıka­synyń Syrtqy ister mınıstrligi, Qazaq­stannyń Japonııadaǵy elshiligi jáne Goı beıbitshilik qorynyń uıymdas­­tyrýymen ótip otyr.

Qazaqstan Respýblıka­synyń Tuńǵysh Prezıdenti – Elbasy kitaphanasynyń «Qazaqstan-Japonııa: ıadrolyq qarý­syz álemge jol» kóshpeli ǵylymı-eks­po­zı­sııalyq jobasy barysynda kórme­men qatar Tokıo qalasyndaǵy BUU ýnı­ver­sıtetinde ıadrolyq qarý­syzdaný sala­syndaǵy bedeldi sarapshylardyń qaty­sýy­men halyqaralyq konferen­sııa ótti. Konferensııa N.Á.Na­zar­­­­baev­­tyń ıadro­lyq qa­rý­syz álem qalyp­tastyrý jo­lyndaǵy qozǵalysty damytýdaǵy qyz­metine arnalǵan. Jıynǵa Qa­zaq­stan Res­pýb­lıkasynyń Ja­ponııadaǵy elshisi Erlan Baýdarbek-Qojataev, Qazaq­stan Respýblıkasynyń Tuńǵysh Pre­zı­denti – Elbasy kitaphanasynyń dırektory Ámirhan Rahymjanov, BUU Bas hat­shy­synyń burynǵy orynbasary Iаsýsı Akası, ATOM Jobasynyń qurmetti elshisi Káripbek Kúıikov, Tokıodaǵy Nagasakı О́kildiginiń basshysy Hısato Mısýtake, Goı beıbitshilik qorynyń prezıdenti Hıroo Saıondjı, sondaı-aq sheteldik ǵalymdar men sarapshylar qatysty.