«Qazaqstan men О́zbekstannyń ózara qolǵa alǵan jobalary men týrıstik kompanııalar arasyndaǵy baılanysy keleshekte budan da artady», dedi Saıdkomıl Halhodjaev.
О́zbekstan aýmaǵynda 7 myńnan astam mádenı jáne tarıhı nysandar bar. Tórt kóne qaladaǵy 200-den astam tarıhı jádiger IýNESKO-nyń erekshe qorǵalatyn aımaqtar tizimine engen. Aldaǵy ýaqytta «Ejelgi Buqara» jáne «Samarqand sıtı» demalys aımaǵy qurylmaq.
Endi birigip «Jibek joly» týrıstik jobasyn da júzege asyrmaqshy.
Onyń bir bóligi zııarat týrızmi bolmaq, deıdi mamandar.
Statıstıkalyq málimetke júginsek, bıylǵy jyldyń 7 aıynda kórshi el aýmaǵyna 3 mıllıonan astam týrıst kelgen. 2018 jyly О́zbekstannan bizge dál sonshama adam qydyryp kelgen. Onyń basym bóligi Túrkistanǵa zııarat jasapty. «Túrki jurtynyń rýhanı astanasy sanalatyn Kóne Iаssy qalasy zııaratshylar sanynyń artýyna sebep bolatyndyǵyna biz senemiz», deıdi Saıdkomıl Halhodjaev.
О́zbekstannyń esigi sheteldik týrısterge aıqara ashylǵanyna bıyl úshinshi jylǵa aıaq basty. 2019 jyldan bastap bul elde 6 mıllıonǵa jýyq adam qonaqta bolǵan. Onyń tek 4 mıllıony ǵana Samarhan, Buhara qalasyna toqtaǵan. Bul 2018 jylmen salystyrǵanda eki ese kóp. Buryn mundaı kórsetkishdi tek armandaıtyn ózbek bıligi týrısterdi álde de eselep tartý úshin ishki týrızmniń múmkindikterin ártaraptandyryp jatyr.
Tashkent qalasy týrıstik ınfraqurylym jáne mádenı mura bóliminiń basshysy Elbek Nabıev, keshe Qazaqstanǵa kelgen saparynda ózbek bıligi qonaqtarǵa jaıly bolý úshin bar jaǵdaıdy jasaýǵa tyrysyp jatqanyn aıtty. Qonaq úılerge toqtaǵan týrısterge ózbektiń hosh ıisti kók shaıy men tandyr nany tegin usynylady. «Qazir bizdiń elde 65 memleketpen vızasyz rejım ornaǵan. Kelesi jyly bul tizimge taǵy 20 el qosylady dep kútip otyrmyz» Elbek Nabıev.
Zııarat týrızminiń Túrkistannan bastalýy ózbek bıligi úshin tıimdi bolyp tur. Al qazaqstandyq mamandar ejelgi Saıramdaǵy sansyz bap pen Arystanbab kesenesin «Jibek joly» týrıstik jobasyna kirgizý qajettigin eskertip otyr. Sebebi Saıramda Ahmet Iаssaýıdiń ata anasy Ibragım men Qarashash, al Otyrarda ustazy Arystanbabtyń kesenesi bar. Budan ózge kóne Otyrar jerin Shyńǵys hannyń izi saırap jatyr.
«Saıram men Otyrardyń «Jibek joly» týrıstik jobasyna enýine Qazaqstan múddeli bolýy kerek», deıdi qazaqstandyq týrızm salasynyń ókilderi.
О́zbekstan Respýblıkasynyń bas konsýly Abror Fathýllaev apta basynda qazaqstandyq jýrnalıstermen kezdesken kezde 2025 jyldarǵa arnalǵan týrızmdi damytý baǵdarlamasy bekitilgenin aıtty. Bul baǵdarlama «О́zbekstandy aımaqtyq jáne álemdik týrızm naryǵyndaǵy básekege qabiletti elge aınaldyrýdy» kózdep, týrıster aǵynyn jylyna 9 mıllıonǵa jetkizýdi maqsat etken.
Byltyr Tashkentte ótken Halyqaralyq týrıstik ınvestforýmǵa jınalǵandar bir týrıstiń О́zbekstandaǵy 1 aptalyq shyǵyny 619 dollar bolatynyn eseptep shyǵarǵan.
Buǵan qonaq úı shyǵyny jáne tańerteńgi jáne keshki tamaq máziri kiredi.
Bas konsýl Abror Fathýllaev bizben áńgimesinde 2025 jylǵa qaraı, bul kórsetkish $2,2 mıllıardqa, týrızmniń jalpy ishki ónimdegi úlesi 2,3 paıyzdan 5% jetýi kerek ekenin aıtty. Sonymen bir mezgilde týrısterdi ornalastyratyn demalys aımaqtarynyń sany da 900-den 3000-ǵa deıin ósip, al týrıstik fırmalardyń sany 1700-de deıin jetýi kerek.
Bul derekter ózbekpen kórshi qonǵan qazaqty shyndap oılandyrýy tıis.
