«Kári qudany» eske sala keletin alǵashqy qara sýyq soǵyp ketkende-aq turǵyndar búrisip qalǵan. Alaıda bıylǵy mızamshýaq synap baǵanasyn 20-25 gradýsqa kóterip jiberdi. Sondyqtan halyq ázirge jylý izdep, daýys kótere qoıǵan joq. «Kári qudany» eske sala keletin alǵashqy qara sýyq soǵyp ketkende-aq turǵyndar búrisip qalǵan. Alaıda bıylǵy mızamshýaq synap baǵanasyn 20-25 gradýsqa kóterip jiberdi.
Sondyqtan halyq ázirge jylý izdep, daýys kótere qoıǵan joq. Jylý júıeleri kásiporynnyń aldyn ala jasaǵan jobasyna qaraǵanda oblys ortalyǵyndaǵy turǵyn úı qorynyń 93 paıyzy jylý berý maýsymyna daıyn eken. Al bul qordyń kólemi 1086 kóp qabatty úı. Sonyń 1009-y, mamandardyń aıtýyna qaraǵanda saqadaı-saı.
Alaıda qalǵan úılerdiń keıbirinde áli de jylý júıesi tazartýdan ótkizilmegen. «Al mundaıdan ótpegender daıyndyq pasportyn ala almaıdy, sondyqtan olarǵa jylý da berilmeıdi. Biz ákimdik tarapynan arnaýly qaýly shyqqan boıynda daıyn úılerge jylý berýge ázirmiz», deıdi «Petropavl jylý júıeleri» JShS-niń bas ınjeneri V.Holosha. Sonymen birge maman áli de beıqam júrgenderdi jylý júıesin qabyldaýǵa daıyndyqty tezirek aıaqtaýǵa shaqyrdy. О́z sózinde bas ınjener jylý berý kásipornynyń búgingi jaǵdaıyna toqtalyp, maýsymǵa daıyndyq barysy týraly da aıtyp ótti. Toǵyzynshy qyrkúıekke deıin kásiporynda júrgizilgen kúrdeli jáne aǵymdyq jóndeýlerdiń nátıjesinde oblys boıynsha 10,863 shaqyrym jylý trassasy jańartylǵan. Al bul barlyq júıeniń 87,9 % degen sóz. Sonymen birge seriktestik óziniń 4 ǵımaratyn da jóndeýden ótkizipti.
Jylý qubyrlarynyń 2,849 shaqyrymy jóndelip, 43 sorǵysh stansalardyń jaraqtary jańartylǵan. Sóıtip kásiporyn ókili qalaǵa jylý berý isinde eshqandaı kem-ketik bolmaıtynyna turǵyndardy sendirip otyr.Sınoptıkterdiń boljamyna qaraǵanda aldaǵy aptada jaýyn-shashyn bolyp, kún sýyta bastaıdy. Jylý qabyldaýǵa daıyndyq pasportyn áli almaǵandar soǵan deıin jedel qımyldaýy kerek-aq.
PETROPAVL
