...áserimen bólisedi
О́r rýhty daýylpaz aqyn
S.Jıenbaev atyndaǵy Aqtóbe oblystyq jasóspirimder kitaphanasynda Mahambet О́temisulynyń týǵanyna 215 jyl tolýyna arnalǵan «Ereýil atqa er salmaı» atty tarıhı saǵat ótti. Maqsaty – HIH ǵasyrdyń birinshi jartysynda surapyl jyrlarymen halyqty kúreske úndegen Mahambettiń aqyndyq darynyn óleńderi arqyly jasóspirimderge túsindire otyryp, óleńmen oı tastap, halyq sanasyn oıatýǵa kúsh salǵan erekshe qasıetin jastardyń boıyna darytý, óleńderi men kúıleriniń ereksheligin asha otyryp, olar jóninde túsinik berý. Erlikke, Otandy qasterleýge shaqyrý, órshil jyrlary arqyly erlikti tý etken Mahambettiń batyrlyǵyn qasterleýge baýlý, eliniń adal azamaty bolýǵa tárbıeleý. Shara barysynda Mahambet týraly beınejazba kórsetilip, aqynnyń «Men-men edim...», «Qyzǵysh qus», «Ereýil atqa er salmaı», «Atadan týǵan arýaqty er» taǵy da basqa óleńderi oqyldy. Sonymen qatar «О́r rýhty daýylpaz aqyn» atty kitap kórmesi uıymdastyrylyp, bıblıografııalyq sholý jasaldy. Kórmege Mahambet týraly ádistemelik qural, baspasóz basylymdary, ol týraly kitaptar qoıyldy.
Gúlnur BEKENOVA,
S.Jıenbaev atyndaǵy oblystyq jasóspirimder kitaphanasynyń kitaphanashysy
AQTО́BE
...alǵys aıtady
Jaqsylyq sharapaty
Balqash jeri Saryarqa tórindegi kıeli de kórkem, tarıhy shejirege, qoınaýy mysqa toly ólke ekeni belgili. Bul jerge ótken ǵasyrdyń 30-jyldary myńdaǵan qazaq «О́zen jaǵalaǵannyń ózegi talmaıdy» dep kelip, asharshylyq ajalynan qalǵan. Balyǵyn as qylyp, mysyn jer astynan alyp kásip qylǵan turǵyndar elimizdiń túkpir-túkpirinen osy jerge kelip oryn tepken. Búginde shaǵyn shaharda 70 myńnan astam halyq turady. Qala jańa keıipke engen: alyp zaýyt, aýrýhana, emhana, mektep, balabaqsha jumystary qaınap jatqan eńbek ordasyn quraıdy. Jastardyń kásiptik bilim alýyna da jaǵdaı týǵyzylypty. Qalada birneshe bilim ordasy boı kótergen.
Osy jerde men solardyń biri týraly aıtqym keledi. Búginde Aqjal kentindegi medısınalyq kolledjdiń jataqhanasy kúrdeli jóndeýden ótip jańa keıipke engen. Birneshe jyl boıy qańyrap bos turǵan jataqhanaǵa Úkimet tarapynan, oblystyq densaýlyq saqtaý basqarmasy tarapynan qarjylaı qoldaý kórsetilip, bes qabatty ǵımarat tolyqtaı jóndeýden ótti. Onda aıtsa aýyz tolarlyq, kórse kóz toıarlyq oń ózgerister bar eken. Jyly, jaryq, jıhazy men turmystyq tehnıkasy jap-jańa bul ǵımarattan bólme alǵan ár stýdent ózin Qazaqstannyń azamaty bolǵanyn maqtan tutady. Jastardyń mundaı qamqorlyqty sezinýi – keleshekte olardyń jaqsy maman bolýlaryna tikeleı septigin tıgizedi. Osy oraıda aldymen 5 áleýmettik bastama baǵytyn bekitken Elbasyna, sodan soń úlken qarajattyń bólinýin, jóndeý jumystaryn uıymdastyrǵan Qaraǵandy oblystyq densaýlyq saqtaý basqarmasy basshysyna ata-analar, oblys azamattary atynan alǵys aıtamyz.
Serik QAMBAROV,
Aqjal kentiniń Qurmetti azamaty
...úlgi tutady
Ulttyq sport túrleri ulyqtaldy
Qaratóbe aýdany, Shalǵyn eldi mekeninde ulttyq at sportynan taı jarys, teńge alý, aýdaryspaq uıymdastyryldy. Sharanyń maqsaty – Elbasymyzdyń «Uly dalanyń jeti qyry» atty maqalasynda atalǵan ulttyq sportty damytý. Tabandylyqqa, batyldyqqa, tapqyrlyqqa jeteleıtin ulttyq sporttyń osynaý baǵaly túrine aýyldyń qazynaly qarttary bastap, báıge dese qany qyzyp, boıynda qazaqylyǵy týlaıtyn barsha qaýym jınaldy. «Saıysta baq pen bap qatar synalady» degen sóz jankúıer jurtshylyqtyń kóz aldynda taǵy bir márte dáleldendi. Dúbirimen dalany dýmanǵa toltyrǵan toı osylaısha qalyń qaýymǵa qýanysh syılady. Aýqymdy shara bir adamnyń ǵana eńbegimen emes, kópshiliktiń atsalysýymen eńseriletini anyq. Atalǵan sharaǵa Nur Otan partııasy Qaratóbe aýdandyq fılıalynyń ókilderi, Qoskól aýyldyq okrýginiń ákimi, aýdandyq «Rýhanı jańǵyrý» keńsesiniń ákimgeri qatysyp, qoldaý bildirdi. Saıysqa qatysqan barsha shabandozǵa aýdandyq jastarmen jumys jónindegi resýrstyq ortalyq baǵaly syılyqtar tabys etti.
– Ult saýlyǵy – strategııalyq turǵydan óte mańyzdy másele. О́ıtkeni biz jastardyń sportpen aınalysýyna jaǵdaı jasasaq – onda jasóspirimder arasyndaǵy qylmys azaıyp, temeki shegý, nashaqorlyq sııaqty birneshe problemany túbirimen joıýǵa múmkindik týar edi. Elbasy bolashaq jastarymyzdyń saýlyǵyn áriden oılap, buqaralyq sportty damytýdyń mańyzdylyǵyn óte jaqsy eskertip otyr, – dedi shara sońynda aýdandyq jastarmen jumys jónińdegi resýrstyq ortalyǵynyń basshysy Eldar Amantaev.
Maralbek AMANAEV,
Qaratóbe aýdandyq jastarmen jumys jónindegi resýrstyq ortalyǵynyń mamany
Batys Qazaqstan oblysy
...qaýiptenedi
Jas óskindi keselden saqtaıyq!
Bizde jemqorlyq qashan tyıylady dep baıbalam salǵanda báledeımiz. Sol baıbalamshylardyń arasynda ózim de barmyn. Alaıda, jemqorlyqtyń tamyryn túbimen qoparyp tastaý óz qolymyzda ekenin túsinbeı ótetin shyǵarmyz. Mysaly, bir aǵamyz prokýror bolsa, aǵaıyndar sol aǵamyzǵa qarap boı túzep, baǵdarshamymyzdaı kóremiz. Durysy, balamyzdy soǵan uqsasa, sonyń adamgershilik qasıetterin boıyna sińirse dep tárbıelesek jón ǵoı. Nege ekenin, balamyzdy árip tanı bilgennen ana kisige tanystyrýǵa umtylamyz. Ol da qarap qalmaıdy, óz kezeginde:
– Balam, sen ıýrıdıcheskııdi oqy. Jaqsylap bitirseń seni osy prokýratýraǵa kirgizemin, – deıdi... Al ana bala óziniń qabiletine qaramaı tyrashtanyp zań jaǵyn jaǵalaǵanmen mıyna túk kirmeıdi. Sóıtip tyrbanyp júrip dıplom alady, biraq darynsyz prokýror ekenin sezinbeıdi. Sol kezde ana baıaǵy kókesi ne ólip qalady, ne pensııaǵa shyǵyp ketedi, ne ustalyp ketedi... Solaı jumyssyzdardyń qataryna álgi darynsyz ıýrıst te qosylady. Al ol baladan óz qabiletin shyńdaı túskende myqty hımık ne matematık shyǵýy bek múmkin edi. Solaı árqaısysymyz óz uıamyzda emes, shatasyp túsip ketken kókektiń balapany qusap júremiz. Aý, sheneýnik kókeler, jas óskinniń tamyryna jemqorlyqty ekpeńizdershi! Aldaǵyny Alla biledi, pálen jyldan keıin týysyńyzdyń balasyn jumysqa alam dep qulaǵyn kótermeı-aq qoıyńyzshy!
Erjan TÁLIP
