Qurmetti Qasym-Jomart Kemeluly!
Biz, Shyǵys Qazaqstan oblysy Kúrshim aýdanynyń aqsaqaldary Buqtyrma sý qoımasyna kópir salýǵa qarjy bólý týraly Úkimetke, oblys ákimdigine bergen tapsyrmańyzdy zor qýanyshpen qarsy aldyq.
Keńes dáýirinen beri aýdan turǵyndaryna arman bolyp kelgen kópir máselesi sheshilse, aýdan turǵyndaryna ǵana emes, strategııalyq mańyzy bar shekaralyq aımaqtyń damýyna da oń áser eter edi. О́tkelden parommen ótip kelgen barlyq taýarlardyń baǵasy basqa óńirlermen salystyrǵanda 10-20 paıyzǵa qymbat bolýy, ınfraqurylymnyń joqtyǵynan ken oryndarynyń óz deńgeıinde ıgerilmeýi aýdanymyzdyń damýyn tejep kelgeni sózsiz. Adam taǵdyry eń basty qundylyq desek, navıgasııalyq maýsym bitken kezde janyn shúberekke túıip, qaýip-qaterge qaramastan muz ústimen ótetin, muzben ótemiz dep talaı avtokólikter sý astyna ketkeni de kóp qıyndyqtar týǵyzdy.
Sizdiń «Barshaǵa ortaq ıgilik! Sabaqtastyq. Ádildik. О́rleý» atty saılaýaldy baǵdarlamańyzda, «Syndarly qoǵamdyq dıalog-Qazaqstannyń turaqtylyǵy men órkendeýiniń negizi» atty Qazaqstan halqyna Joldaýyńyzda bılik pen qoǵam arasyndaǵy dıalogty negizgi basymdyq retinde alyp, azamattardyń barlyq ótinish-tilekterin jedel ári tıimdi qarastyrýdy tapsyrǵan bolatynsyz.
Saılaýaldy «Birge» jalpyulttyq aksııa kezinde aksııaǵa qatysqan aýdan turǵyndarynyń 80 paıyzy osy kópir máselesin kótergen bolatyn. Eldiń zaryn tyńdaıtyn, halyqtyń ótinishterine qulaq asyp, máseleni sheshý úshin barlyq sharalardy qabyldaıtyn ózińizdeı Prezıdentimiz bar bolǵanyna qýanyshtymyz.
Kópir máselesi shekaralyq Kúrshim aýdanynyń damýyna, halyqtyń údere kóshpeı turaqtanýyna oń áser eteri sózsiz. Shyǵystyń shuraıly tabıǵaty óńirimizge týrısterdi tartýǵa da keń jol ashar edi. Kópirdiń salynýy shekaralas aýdandardyń ekonomıkalyq órkendeýine, Mendeleevtiń tablısasyndaǵy barlyq elementteri bar aýdanymyzda ken oryndarynyń ıgerilýine, shaǵyn jáne orta bıznestiń qarqyndy ósýine múmkindik týdyrary anyq. Shekarany shekarashylar ǵana emes, shekara mańyndaǵy halyq ta qorǵaıtynyn eskersek, shekara mańynda halyqtyń kóptep qonystanýy da strategııalyq mańyzy bar másele dep oılaımyz.
Qadirli Prezıdent myrza!
Kúrshim aýdanynyń 20 myńnan astam turǵyndary eńkeıgen qarııadan bastap, eńbektegen balaǵa deıin Sizge zor rızashylyǵymyzdy bildiremiz. Myqty densaýlyq, halyq ıgiligine baǵyttalǵan eńbegińizge tolaǵaı tabys tileımiz.
Izgi tilekpen, Kúrshim aýdanynyń aqsaqaldary: S.Iskakov, E.Aqtekenov, N.Qaıyrov, Á.Qosambekov, Q.Musaqanov, S.Aqtanov, N.Chýmbasov, A.Mádıev, N.Qısambın, E.Jangýdeev, T.Erýbaev, M.Bolǵaev.
