Mańǵystaý oblysy ákimi apparaty «Qoǵamdyq kelisim» KMM basshysy Amankúl Ábdiǵalıqyzy jáne osetın etnomádenı birlestiginiń tóraıymy Bırkle Fatıma ardagerlerdi merekelerimen quttyqtap, jarysqa qatysýshylarǵa sáttilik tiledi.
Is-shara barasynda ardagerlerge arnalǵan medısına buryshy jumys jasady. Arnaıy mamandar qarııalardyń qan qysymyn ólshep, keńester berdi.
Ardagerlerdiń kóńilin sergitken atalmysh is-shara óte qyzyqty da tartysty ótti.
Týrnır qorytyndysy boıynsha I oryndy Kım Iýrıı, II oryndy Mýrtazın Hazen, III oryndy Kenjebekov Taǵanııaz ıelendi. Jeńimpaz ardagerler oblystyq Qazaqstan halqy Assambleıasy atynan marapattaldy.
- Qarttar – qazynamyz. Olardy ardaqtaý – urpaqqa paryz. Qarttar kúni aıasynda biz oblysymyzdyń birqatar qartyn «Dostyq» úıine qonaqqa shaqyryp, aqyl-keńesterin tyńdap, múmkindigimizshe syı-sııapat jasap, kóńildi otyrys syılaýǵa tyrystyq. Kishilerge qashanda izetpen qaraıtyn aǵa býyn ókilderine bizdiń shaqyrtýymyzdy qabyl alyp, aramyzǵa kelgendigi úshin rızamyz. Qarttarymyz aman-saý júrsin, - deıdi sharanyń uıtqysy bolǵan Manǵystaý oblysynyń QHA hatshylyǵynyń meńgerýshisi Gúljan Ismýrzına.
Mańǵystaý oblysy
