- Bul bastama – «Ulttyq rýh» qoǵamdyq birlestigimen birlese iske asyrylyp jatqan joba. Ortalyqta ár túrli psıhologııalyq-moraldyq trenıngter ótkiziledi, analarǵa óz kásipterin bastaýǵa keńes beriledi. Sondyqtan, bul ortalyq esigi analar úshin árdaıym ashyq bolmaq. Jobaǵa qoldaý kórsetken Nur Otan partııasyna, Qazaqstan halqy Assambleıasynyń Mańǵystaý oblystyq fılıalyna jáne Isker áıelder qaýymdastyǵynyń óńirlik fılıalyna rızashylyǵymdy bildiremin, - dedi Qazaqstan halqy Assambleıasynyń óńirlik fılıalynda ashylǵan jańa ortalyqtyń ashylý saltanatynda Mańǵystaý oblystyq Ishki saıasat basqarmasy basshysy E.Kúmisqalı.
Jańa ortalyq psıhologııalyq-moraldyq qoldaý, quqyqtyq, aqparattyq qoldaý, qabyldaýlar men kezdesýler ótkizý, analıtıka jáne usynystar jasaqtaý syndy alty baǵytta jumys júrgizedi. Psıhologııalyq-moraldyq qoldaý jumystary ár túrli semınar-trenıngter arqyly sanany saýyqtyrý, motıvasııa arqyly pozıtıvti kózqaras qalyptastyrý, turmystyq tyǵyryqtan shyǵý joldaryn kórsetýmen júrgizilse, quqyqtyq qoldaý Qazaqstan Respýblıkasynyń qoldanystaǵy zań normalaryn túsindirý, áleýmettik zań normalary boıynsha keńes berý arqyly kórsetiledi. Sondaı-aq aqparattyq qoldaý jumystary memleket tarapynan halyqtyń osal toptaryn qoldaýǵa baǵyttalǵan memlekettik baǵdarlamalar aqparattandyrýmen iske asyrylmaq.
Qabyldaýlar men kezdesýler memlekettik organdardyń, memlekettik emes uıymdar men mekeme ókilderiniń, sarapshylardyń, mamandardyń, kásipkerler men qoǵam belsendileriniń qatysýymen ótkizilmek.
Mańǵystaý oblysy
