Qarttar Ushtaǵan aýylyndaǵy «Ardagerler úıine» qonaqqa shaqyrylyp, mektep oqýshylary jáne mádenıet úıi qyzmetkerleri daıyndaǵan sazdy baǵdarlamany tamashalady. Mereke aıasynda qarttardy okrýg ákimi J.Moldasheva quttyqtap, aýyldaǵy dárigerlik ambýlatorııa qyzmetkerleri densaýlyq aksııasyn ótkizip, qarııalardyń qan qysymyn ólsheýmen aınalysty. Aqtóbe aýyldyq okrýgi ákimdigi atynan merekege oraı «Ardagerler úıine» teledıdar syıǵa tartyldy. Sondaı-aq, ardagerler arasynda bata berý , shahmat, doıby, toǵyzqumalaq oıyndarynan saıystar uıymdastyrylyp, oıyn qorytyndysymen jeńimpazdar marapattaldy. Shara sońynda merekelik dastarhan jaıylyp, barlyǵy dastarhannan dám tatty.
- Qarttar qashanda bizdiń nazarymyzda. «Aýylyńda qartyń bolsa, jazýly turǵan hatpen teń» demekshi, aýyldyń eski tarıhyn áńgimelep, jastardy eldi, Otandy súıýge tárbıelep otyratyn aǵa býyn ókilderin aýylda ótetin sharalardan tys qaldyrmaımyz. Bıylǵy Qurban aıt merekesin úshtaǵandyq azamattar Naýryz toı syndy keń kólemde ótkizip, el-jurttyń yqylasyna bólengen edi. Osy aıt meıramynda da aǵalarymyz aramyzdan tabylyp, tórimizdi toltyryp otyrdy. Aýyl tarıhyn áńgimelep, qaqpan qurý, ańshylyq, ózge de ulttyq dástúr, kásip týraly bilgenderin ortaǵa saldy. Aq jaýlyqty analar men kelinder jún sabap, balalar qazaqsha kúresip ózgeshe órnekte ótkizgen bolatyn. Aýlymyzdyń tiregine aınalǵan ardagerlerimizdi, qarttarymyzdy búgingi merekelerinde qýantý – ózimiz úshin qýanysh, deıdi Aqtóbe aýyldyq okrýginiń ákimi Janbıbi Turarbekqyzy.
Mańǵystaýdaǵy «Úlgili aýyl» atanyp, ártúrli saısytarda oblystyq baıqaýlarda top jaryp, respýblıkalyq baıqaýlarda maqtalyp júrgen Ushtaǵan óz uıymshyldyǵyn osylaısha taǵy bir kórsetti. Jýyrda respýblıkalyq «Mereıli otbasy» baıqaýynda ushtaǵandyq Nursebepovter otbasy Mańǵystaý namysyn qorǵaǵan bolsa, qazirgi tańda aýylda «Astana» arnasynyń túsirilim toby óz baǵdarlamalaryna saı jumys júrgizýde.
Mańǵystaý oblysy
