Jańadan ashylǵan front-keńseniń jalpy aýmaǵy 25 sharshy metr. Qazirgi zamanǵy kompıýterlik ózge de qajetti quraldarmen tolyqqandy jabdyqtalǵan. Azamattardy qabyldaý bólmesi kondısıoner, beınebaqylaý júıesimen qamtamasyz etilgen. Keńseniń alqashqy jumys kúni general-maıor, oblystyq polısııa departamentiniń bastyǵy Berik Bilálov jergilikti toǵyz turǵyndy jeke máseleleri boıynsha qabyldady. Olar kóshi-qon, ákimshilik jáne eńbek zańnamalary, keńsedegi mamandardyń sanyn ulǵaıtý boıynsha saýaldaryn qoıdy.
–Beınebaqylaý júıesi eń aldymen qaýipsizdik, ekinshiden aldyn-alý, úshinshiden azamattar árbir ótinishteriniń jiti qadaǵalaýǵa alynatynyn biletin bolady. Aıdyń sońyna qaraı aýdanda shaǵyn jedel basqarý ortalyǵyn ashýdy josparlap otyrmyz,–deıdi oblystyq polısııa departamentiniń bastyǵy Berik Bilálov.
Osy kúni kóshpeli jıyn ótkizildi. Shara barysynda polısııa departamentiniń kóshi-qon baǵytyndaǵy atqyrylyp jatqan jumystar egjeı-tegjeıli talqylandy. Sondaı-aq shetel azamattaryna kómek kórsetetin arnaıy psıholog mamandar tartý máseleleri de qozǵaldy. Jıyn barysynda birqatar aýmaqtyq bólimshe basshylary atqarylǵan jumys boıynsha esep berdi. Aıta keterligi, aǵymdaǵy jyldyń basynan beri aımaqqa kelgen shetel azamattarynyń sany 24 myńǵa jetip qalǵan eken.
