Memleket basshysyna Ulttyq bank qyzmetiniń jáne elimizdegi qarjy naryǵynyń sońǵy 9 aıdaǵy jaǵdaıy, ınflıasııany nysanaly dáliz sheńberinde saqtaý, ekonomıkany nesıelendirýdiń sapaly ósýin qamtamasyz etý týraly baıandaldy. Sonymen qatar jeńildikpen nesıeleý baǵdarlamalaryn iske asyrý sharalary, ekinshi deńgeıli bankter aktıvteriniń sapasyn táýelsiz baǵalaý jóninde málimet berildi.
E.Dosaev Memleket basshysynyń buǵan deıin bergen tapsyrmalarynyń oryndalý barysy jaıyna da toqtaldy. Atap aıtqanda, Ulttyq bank tóraǵasy Prezıdenttiń qıyn jaǵdaıǵa tap bolǵan azamattardyń tutyný nesıeleri boıynsha qaryzdaryn keshirý, aıyppuldar men ósimpuldardy qysqartý jónindegi tapsyrmasy boıynsha atqarylǵan jumystardyń qorytyndysy týraly aıtty.
Prezıdent Ulttyq bank tóraǵasyna qarjy sektoryndaǵy jumystardy tıimdi úılestirýdi tapsyrdy.
