Bul jetistikter jańa Qazaqstannyń negizin qalaǵan, osy eldiń ekonomıkalyq jáne saıası damýynyń sáýletshisi Nursultan Nazarbaevtyń syndarly saıasatynyń jemisi. Ol burynǵy Keńes Odaǵynan muraǵa qalǵan mesheý ekonomıkaǵa ıe Qazaqstandy áleýmettik, adam quqyǵy men demokratııa salalarynda álemdik talaptarǵa jaýap beretin damyǵan memleketke aınaldyrdy.
2019 jyly N.Nazarbaev myrzanyń jańa Prezıdent Qasym-Jomart Toqaevqa bılikti beıbit túrde berýi Qazaqstandaǵy demokratııanyń bir úlgisine jatady. Bul Qazaqstanǵa kórshi elder úshin tosyn jaıt.
Ortalyq Azııa jáne Kavkaz elderine kóz júgirtsek, osy elderdiń ótken 27 jylda saıası, ekonomıkalyq jáne mádenı damýyna kedergi bolǵan ultaralyq jáne dinı qaqtyǵystarǵa kýá bolamyz. Biraq N.Nazarbaev myrzanyń qyraǵy saıasaty ulttyq múddeni qorǵaý jáne qaýipsizdik máselelerinde osy el halqynyń birligine jáne Qazaqstannyń álemdegi demokratııalyq ári damyǵan el retinde tanylýyna jol ashty.
Qazaqstannyń aımaq pen álemdegi erekshe róli madaqtaýǵa laıyq. Almatyda Irannyń ıadrolyq kelissózderiniń ótkizilýi, Nur-Sultanda Sırııada beıbitshilik ornatý úshin otyrystardyń uıymdastyrylýy, Qazaqstannyń ShYU-ǵa músheligi, IYU-ǵa tóraǵalyq etýi Qazaqstan halqy men úkimeti úshin úlken jetistik.
Sondyqtan Prezıdent Qasym-Jomart Toqaevtyń el halqyna Joldaýy Qazaqstannyń damýyn, qaýipsizdigin qamtamasyz etýge baǵyttalǵan ári N.Nazarbaev myrza qalap ketken eldiń damýy baǵytyn odan ári jalǵastyrýǵa múmkindik beredi.
Qazaqstan Prezıdentiniń Joldaýynda óte mańyzdy máselelerge mán berilgen:
- memlekettik organdar men halyqtyq uıymdarda demokratııany nyǵaıtý. Azamattardyń quqyǵy úkimettik qurylymnyń negizi bolyp tabylady;
- ekonomıkalyq damýǵa qol jetkizý, Qazaqstannyń damýy jáne ony halyqaralyq aıdynda damyǵan elge aınaldyrý úshin ǵylym men jańa tehnologııalardy paıdalaný;
- ulttyq tatýlyq, Qazaqstan azamattary retinde barlyq etnostardyń quqyqtaryna qurmet kórsetý, dinı ǵuryptaryn jasaýyna kómektesý, úkimettiń jańa Qazaqstannyń negizi bolyp tabylatyn halyqtyń barlyq azamattyq quqyqtaryn qoldaýy;
- syrtqy saıasatty damytý, halyqaralyq aıdynda belsendi ról oınaý úshin aımaq jáne álem elderimen halyqaralyq baılanysty nyǵaıtý, myńdaǵan jyldyq tarıhy bar Qazaqstan halqynyń jetistikterin, tehnologııalardy ıgerýin, demokratııalyq úkimetin pash etý.
Qazaqstan Prezıdentiniń Joldaýy saıası, ekonomıkalyq, qaýipsizdik jáne mádenı salalarda nusqaýlyq jáne jol kartasy bolyp tabylady. Oppozısııanyń narazylyq bildirý quqyǵyn moıyndap qana qoımaıdy, sonymen qatar kelissózder jáne ulttyq tatýlyq pen birlikti saqtaý úshin paıdaly joldardy usynady.
Mırgasem MÝMENI,
«Cheshmandoze abrore navın» zertteý ortalyǵynyń bas dırektory, halyqaralyq qatynastar jónindegi sarapshy (Iran)
