Mańyzdy jıynǵa Aqparat jáne qoǵamdyq damý mınıstri Dáýren Abaev, «Qazaq kuresi» federasııasynyń prezıdenti Arman Shoraev, Mádenıet jáne sport mınıstrligi, Sport jáne dene shynyqtyrý isteri komıtetiniń tóraǵasy Serik Sápıev jáne federasııa ókilderi men ulttyq kúreske eńbek sińirgen ardagerler qatysty.
Atalǵan bas qosý aıasynda, ulttyq kúrestiń bolashaǵy jaıly másele qozǵalyp, aldaǵy kúnderi bul salany jandandyra túsý úshin jańadan respýblıkalyq «Qazaq kuresi» federasııasynyń prezıdenti bolyp Aqparat jáne qoǵamdyq damý mınıstri Dáýren Abaev saılandy.
О́zine júktelgen mańyzdy mindetti jaýapkershilik pen qabyldaǵan D.Abaev buǵan deıin atalǵan federasııa tarapynan úlken jumystar atqarylǵanyn aıta kelip: «Osynyń bárine basshylyq etken Arman Tólegenuly qazaq kúresi brendin joǵary deńgeıge kóterip, úlken jumys atqardy. Sondyqtan men osy jumysty birge jalǵastyramyz dep aıtqym kelip otyr. Elbasynyń «Rýhanı jańǵyrý» baǵdarlamasynda da ulttyq jádigerlerimizdi dáripteý týraly keńinen aıtylǵan. О́ıtkeni ulttyq sport – ulttyq sana men ulttyq rýhty qalyptastyratyn ulttyń kody bolyp sanalady. Kúres arqyly qazaqtyń atyn aıdaı álemge tanytqan, abyroıymyzdy asyrǵan Qajymuqan babamyzdyń jolyn jalǵastyryp, qazaq kúresin bıik belesterge jeteleý – mańyzdy da jaýapty is. Sondyqtan federasııa ókilderiniń maǵan artyp otyrǵan senimderin aqtaýǵa tyrysamyn. Qazaq kúresiniń deńgeıin arttyrýǵa qatysty birqatar jospar bar. Aldaǵy ýaqytta osy sala mamandarymen birigip tyń sharalardy júzege asyramyz degen senimdemin. Qazaqta «aryq aıtyp, semiz shyq» degen sóz bar. Sondyqtan osy sózdiń nátıjesin kórsetýge tyrysamyz dep aıtqym kelip otyr», dedi ulttyq kúresimizdiń jańa basshysy D.Abaev.
Rasynda 2013-2019 jyldar aralyǵynda federasııa jumysyn bıik deńgeıge kótere bilgen Arman Tólegenuly «Qazaqstan Barysy» jobasyn ulttyq brendke aınaldyrýmen qatar, «Álem Barysy», «Eýrazııa Barysy», «Jas Barys», «Halyq Barysy» sııaqty tyń jobalar arqyly palýandardyń áleýmettik bedelin qalyptastyrdy. Federasııany Sporttyq jekpe-jek jáne kúsh qoldanylatyn sport túrleri konfederasııasynyń quramyna qosty, sonymen qatar asa zor tarıhı qadam – qazaq kúresin IýNESKO-nyń Dúnıejúzilik muralar tizimine engizdi. Iаǵnı osy jyldar arasynda A.Shoraev qazaq kúresin ulttyq brendke aınaldyrdy. Bolashaqta Arman Tólegenuly federasııanyń birinshi vıse-prezıdenti retinde jumysyn jalǵastyra beretin boldy.
Basshylyqtaǵy ózgeristi ulttyq kúresimiz úshin jasalyp jatqan nátıjeli qadam dep baǵa bergen A.Shoraev: «Jańa prezıdent D.Abaev mınıstr retinde de, onyń aldynda Elbasynyń baspasóz hatshysy kezinde de bizdiń jobalarymyzǵa zor qolǵabys tıgizip kele jatqan azamat. Sol sebepti bolashaqta qazaq kúresi ulttyq qundylyq retinde ári qaraı asqaqtaı beretin bolady» dep óziniń shynaıy oıyn jetkizdi.
