• 23 Aqpan, 2013

Qazaqstan Respýblıkasy Qorǵanys mınıstrliginiń buıryǵy № 972

256 ret

kórsetildi

39 mın

oqý úshin

Egemen Qazaqstan

Qazaqstan Respýblıkasy Qorǵanys mınıstrliginiń buıryǵy № 972

Senbi, 23 aqpan 2013 5:44

2012 jylǵy 13 jeltoqsan, Astana qalasy

Qazaqstan Respýblıkasy Qarýly Kúshteri áskerı polısııasy gaýptvahtalarynyń ishki tártip qaǵıdalaryn bekitý týraly

«Adamdardy qoǵamnan ýaqytsha oqshaýlaýdy qamtamasyz etetin arnaýly mekemelerde ustaý tártibi men sharttary týraly» Qazaqstan Respýblıkasy Zańynyń 15-babyna sáıkes buıyramyn:
1. Qosa berilip otyrǵan osy buıryqqa qosymshaǵa sáıkes Qazaqstan Respýblıkasy Qarýly Kúshteri áskerı polısııasy gaýptvahtalarynyń ishki tártip qaǵıdalary bekitilsin.
2. Qazaqstan Respýblıkasy Qarýly Kúshteri Áskerı polısııasy bas basqarmasynyń bastyǵy:
1) zańnamada belgilengen tártippen osy buıryqty memlekettik tirkeý úshin Qazaqstan Respýblıkasynyń Ádilet mınıstrligine joldasyn;
2) memlekettik tirkelgennen keıin buıryqty resmı jarııalaý úshin buqaralyq aqparat quraldaryna joldasyn.
3. Osy buıryqtyń oryndalýyn baqylaý Mınıstrdiń birinshi orynbasary – Qazaqstan Respýblıkasy Qorǵanys mınıstrligi Shtabtar bastyqtary komıtetiniń tóraǵasyna júktelsin.
4. Osy buıryq ol alǵash resmı jarııalanǵan kúnnen keıin on kúntizbelik kún ishinde qoldanysqa engiziledi.
5. Buıryq laýazymdy adamdarǵa, olarǵa qatysty bóliginde jetkizilsin.

Á. JAQSYBEKOV.

Senbi, 23 aqpan 2013 5:44

2012 jylǵy 13 jeltoqsan, Astana qalasy

Qazaqstan Respýblıkasy Qarýly Kúshteri áskerı polısııasy gaýptvahtalarynyń ishki tártip qaǵıdalaryn bekitý týraly

Á. JAQSYBEKOV.

Qazaqstan Respýblıkasy Qorǵanys mınıstriniń
2013 jylǵy 13 jeltoqsan № 972 buıryǵymen bekitilgen

Qazaqstan Respýblıkasy Qarýly Kúshteri áskerı polısııasy
gaýptvahtalarynyń ishki tártip qaǵıdalary

1. Jalpy erejeler
1. Osy Qazaqstan Respýblıkasy Qarýly Kúshteri áskerı polısııasy gaýptvahtalarynyń ishki tártip qaǵıdalary (budan ári – Qaǵıdalar) «Adamdardy qoǵamnan ýaqytsha oqshaýlaýdy qamtamasyz etetin arnaýly mekemelerde ustaý tártibi men sharttary týraly» Qazaqstan Respýblıkasy Zańynyń (budan ári – Zań) 15-babyna sáıkes ázirlendi, ustalǵandardy, kúdiktilerdi, aıyptalýshylardy, ákimshilik tártippen qamaýǵa alynǵandardy jáne gaýptvahtada ustaýǵa sottalǵandardy (budan ári – gaýptvahtaǵa qamaýǵa alynǵan áskerı qyzmetshiler) ustaý rejımin qamtamasyz etý maqsatynda Qazaqstan Respýblıkasy Qarýly Kúshteri áskerı polısııasynyń gaýptvahtalaryndaǵy (budan ári – gaýptvahtalar) ishki tártipti aıqyndaıdy.
2. Áskerı polısııanyń gaýptvahtasyna:
1) qylmys jasaýǵa kúdiktený boıynsha tergeýshimen nemese anyqtaý organdarymen (ishki ister, ulttyq qaýipsizdik, qarjy polısııasy, áskerı polısııa, memlekettik órtke qarsy qyzmet, keden organdary, shekara bólimderiniń komandırlerimen, áskerı polısııa organy bolmaǵan jaǵdaıda áskerı bólimderdiń komandırlerimen) ustalǵan áskerı qyzmetshiler – jetpis eki saǵattan artyq emes merzimge;
2) tergeýshi nemese anyqtaý organy, prokýror nemese sýdıa olarǵa qatysty qamaýǵa alý túrinde jolyn kesý sharasyn tańdaǵan kúdikti jáne aıyptalýshy áskerı qyzmetshiler – qylmystyq is júrgizý zańnamasymen aıqyndalǵan merzimge;
3) tártiptik áskerı bólimge jiberýmen sotpen sottalǵan áskerı qyzmetshiler – sot úkimi nemese qaýlysy zańdy kúshine engenge dein;
4) gaýptvahtada ustaýmen qamaýǵa alýǵa sotpen sottalǵan áskerı qyzmetshiler – sottyń úkimimen aıqyndalǵan merzimge;
5) olar laýazymdy adamdarǵa ashyq baǵynbaǵan nemese qarsylyq bildirgen, teris qylyq jasaǵan jaǵdaılarda, sondaı-aq olardy derý ýaqytsha oqshaýlaýdy talap etetin jaǵdaılarda ustalǵan áskerı qyzmetshiler – zańmen belgilengen merzimge jiberiledi.
3. Gaýptvahtaǵa qamaýǵa alynǵan áskerı qyzmetshi jaýap alynýǵa tek jumys ýaqytynda ǵana shaqyrylady jáne kameraǵa jaýap alynýdan keıin saǵat 21.00-den keshikpeı qaıtady.
4. Gaýptvahtaǵa qamaýǵa alynǵan áskerı qyzmetshiler Zańmen olarǵa júktelgen mindetterdi jáne Qaǵıdalarǵa 1-qosymshaǵa sáıkes gaýptvahtaǵa qamaýǵa alynǵan áskerı qyzmetshiler úshin talaptardy múltiksiz saqtaýǵa tıis.
5. Gaýptvahtada Qaǵıdalarǵa 2-qosymshaǵa sáıkes gaýptvahtany ınspeksııalaıtyn adamdardyń eskertýleri men usynystarynyń kitaby júrgiziledi, oǵan ınspeksııalaýshylar ózderiniń eskertýlerin, kemshilikterdi joıý jónindegi usynystaryn engizedi.
6. Gaýptvahtaǵa qamaýǵa alynǵan áskerı qyzmetshiler negizgi jalpyáskerı úles normasy boıynsha tamaqtanýmen qamtamasyz etiledi, olardy tamaqtanýǵa qabyldaý azyq-túlik attestattary boıynsha júrgiziledi. Eger gaýptvahtada tamaq daıyndalmasa, onda ony gaýptvahtaǵa qamaýǵa alynǵan áskerı qyzmetshilerge jetkizý tártibin garnızon bastyǵy belgileıdi.
Gaýptvahtaǵa nemese ýaqytsha ustalǵandarǵa arnalǵan úı-jaıǵa qamaýǵa alynǵan, azyq-túlik attestattary joq gaýptvahtaǵa qamaýǵa alynǵan áskerı qyzmetshiler áskerı polısııa organy bastyǵynyń (áskerı bólim komandıriniń) buıryǵynan úzindi boıynsha jabdyqtalymǵa qabyldanady.
Gaýptvahtaǵa qamaýǵa alynǵan áskerı qyzmetshiler kameralarda nemese gaýptvahta janyndaǵy ashanada tamaqtanady. Jeke kameralarda ustalatyn gaýptvahtaǵa qamaýǵa alynǵan áskerı qyzmetshiler kameralarda tamaqtanady.

2. Gaýptvahtaǵa qamaýǵa alynǵan áskerı qyzmetshilerdi
qabyldaý jáne kameralar boıynsha ornalastyrý
7. Gaýptvahtaǵa qamaýǵa alynatyn áskerı qyzmetshilerdi qabyldaýdy gaýptvahta bastyǵy nemese gaýptvahta qaraýylynyń bastyǵy júrgizedi, ol gaýptvahtaǵa jetkizilgen adamdy qabyldaýǵa negiz beretin qujattardyń bar bolýyn tekseredi, kórsetilgen adamnan jaýap alady jáne medısınalyq tekserýdi júrgizetin medısına qyzmetkeriniń qatysýymen onyń jaýaptaryn jeke basyn kýálandyratyn qujatta kórsetilgen málimettermen salystyryp tekseredi.
8. Gaýptvahtaǵa qamaýǵa alynǵan áskerı qyzmetshiler mynadaı qujattarmen jiberilýi tıis: ustaý hattamasy, tergeýshiniń, anyqtaýshynyń, prokýrordyń nemese sýdıanyń qaýlysy ne qamaýǵa alý túrindegi jolyn kesý sharasyn tańdaý týraly sottyń qaýlysy, komandırdiń (bastyqtyń) áskerı qyzmetshini gaýptvahtaǵa jiberý týraly buıryǵynyń kóshirmesi, qyzmettik esepke alý kartasy, medısınalyq kitapshasy, áskerı bıleti, áskerı qyzmetshiniń kýáligi (jeke basyn kýálandyratyn qujat), azyq-túlik jáne kıim-keshek attestattary.
9. Gaýptvahtaǵa qamaýǵa alynǵan áskerı qyzmetshilerdiń jeke basyn kýálandyratyn qujattary jeke isinde saqtalady, qajet bolǵan kezde qylmystyq prosess júrgizetin organnyń ókiline, keıinnen qaıtaryp bere otyryp, qolyn qoıǵyzyp beriledi.
10. Gaýptvahtaǵa qabyldaý úshin negiz bolyp tabylatyn qujattar tıisti laýazymdy adamdardyń qol qoıýymen kýálandyrylýy jáne eltańbaly mórmen bekitilýi tıis.
11. Gaýptvahtaǵa sýdıanyń nemese sottyń qamaýǵa alý túrindegi jolyn kesý sharasyn tańdaý týraly qaýlysynan úzindi usynylǵan jaǵdaılarda, onda oǵan qatysty osy jolyn kesý sharasy qoldanylǵan adamnyń tolyq anyqtama derekteri kórsetilýi tıis. Úzindi laýazymdy adamnyń qol qoıýymen kýálandyrylǵan, eltańbaly mórmen bekitilgen bolýǵa tıis jáne úsh kúntizbelik kúnnen keshiktirilmeı qaýlynyń kóshirmesimen aýystyrylýǵa jatady.
12. Gaýptvahtaǵa qabyldanǵan adamdar, olar kelip túsken kúni bir kúntizbelik kúnnen keshiktirmeı medısınalyq tekserýden ótedi. Medısınalyq tekserý nátıjeleri medısınalyq kitapshaǵa engiziledi.
Medısına qyzmetkeriniń qorytyndysy boıynsha shuǵyl stasıonarlyq emdeýdi qajet etetin adamdar gaýptvahtaǵa qabyldanbaıdy. Medısınalyq kórsetkishter boıynsha olarǵa medısınalyq kómek kórsetiledi.
13. Medısınalyq tekserýden ótkennen jáne onyń nátıjelerin alǵannan keıin qamaýǵa alynǵandar tósek jabdyqtaryn alady.
14. Gaýptvahtaǵa qabyldanǵan qamaýǵa alynǵan áskerı qyzmetshilerge quqyqtary men mindetteri, qamaýda ustaý rejımi, tártiptik talaptary, usynystardy, ótinishter men shaǵymdardy berý tártibi týraly aqparat usynylady. Kórsetilgen aqparat jazbasha túrde de, aýyzsha túrde de usynylýy múmkin.
15. Keıinnen mundaı aqparatty gaýptvahtaǵa qamaýǵa alynǵan áskerı qyzmetshini jeke qabyldaýda gaýptvahta bastyǵy jáne ol ókilettik bergen qyzmetkerler usynady.
16. Árbir gaýptvahtanyń stendinde gaýptvahtada ustalatyn adamdardyń negizgi quqyqtary men mindetteri týraly memlekettik jáne orys tilderinde jazylǵan aqparat ilinedi.
17. Gaýptvahtaǵa qamaýǵa alynǵan áskerı qyzmetshilerdi, er adamdar men áıelderdi kameralar boıynsha ornalastyrý bólek, sanattary jáne negizderi boıynsha júrgiziledi. Bir qylmystyq is boıynsha nemese ózara baılanysty birneshe is boıynsha gaýptvahtaǵa qamaýǵa alynǵan áskerı qyzmetshiler bólek Qaǵıdalarǵa 3-qosymshadaǵy kameralar boıynsha ornalastyrý josparyna sáıkes ornalastyrylady..
Kameralar boıynsha ornalastyrýdy gaýptvahta bastyǵy nemese qaraýyl bastyǵy júrgizedi.
18. Gaýptvahtaǵa qamaýǵa alynǵan áskerı qyzmetshiler jalpy kameralardyń sıpattamasynda kórsetilgen qulyppen jabylatyn jalpy kameralarda ustalady (Qaǵıdalarǵa 4-qosymsha). Gaýptvahtada ustalatyn adamdardy jeke kameralarǵa ornalastyrýǵa gaýptvahta bastyǵynyń dáleldi sheshimi boıynsha:
1) Zańnyń 32-babynda kózdelgen bólek ornalastyrý talaptaryn saqtaýdy qamtamasyz etýdiń ózge múmkindigi bolmaǵan;
2) ómiri men densaýlyq qaýipsizdigin qamtamasyz etý múddesinde;
3) gaýptvahtada ustalatyn adamdardyń jeke ustaý týraly jazbasha ótinishi bar bolǵan jaǵdaıda ruqsat etiledi.
19. Gaýptvahtaǵa qamaýǵa alynǵan áskerı qyzmetshilerdi jeke kameralarda bir kúntizbelik kúnnen artyq merzimge ustaýǵa Qaǵıdalarǵa 5-qosymshaǵa sáıkes prokýror sanksııa bergen «Adamdardy qoǵamnan ýaqytsha oqshaýlaýdy qamtamasyz etetin arnaýly mekemelerde ustaý tártibi men sharttary týraly» Qazaqstan Respýblıkasy Zańynyń 31-babynyń tártibimen gaýptvahtaǵa qamaýǵa alynǵan áskerı qyzmetshini jeke kameraǵa aýystyrý týraly qaýly shyǵarylady.
20. Oqshaýlaý tártibi gaýptvahtaǵa qamaýǵa alynǵan áskerı qyzmetshilerdiń barlyq júrip-turýlarynda (dálizder men gaýptvahta aýmaǵynda júrýinde, serýendeýinde, sanıtarlyq tazartýda, eńbek obektilerinde) qamtamasyz etilýi tıis.
21. Oqshaýlaýdy qamtamasyz etý úshin kamera terezeleri kameraǵa tabıǵı jaryqtyń túsýine kedergi keltirmeıtin torlarmen jabdyqtalady.

3. Gaýptvahtaǵa qamaýǵa alynǵan áskerı qyzmetshilerdi
jeke tintý, sýretke túsirý jáne zattaryn tekserý
22. Gaýptvahtaǵa qamaýǵa alynǵan áskerı qyzmetshiler tolyq jeke tintýden ótkiziledi jáne sýretke túsiriledi, al olardyń jeke zattaryna tekserý júrgiziledi.
23. Gaýptvahtaǵa qamaýǵa alynǵan áskerı qyzmetshilerdi jeke tintý jáne olardyń zattaryn tekserý saqtaýǵa jáne paıdalanýǵa tyıym salynǵan quraldardy, zattardy jáne azyq-túlik ónimderin nemese ózine tıesili emes zattardy anyqtaý jáne alý maqsatynda júrgiziledi.
24. Gaýptvahtaǵa qamaýǵa alynǵan áskerı qyzmetshilerge saqtaýǵa jáne paıdalanýǵa tyıym salynǵan zattarǵa adam ómirine jáne densaýlyǵyna qaýip tóndiretin nemese qylmys jasaý quraly retinde nemese qamaýda ustaý maqsattaryna qarsylasý úshin paıdalanylýy múmkin quraldar, zattar men azyq-túlik ónimderi jatady. Gaýptvahtaǵa qamaýǵa alynǵan áskerı qyzmetshiler Qaǵıdalarǵa 6-qosymshada belgilengen gaýptvahtaǵa qamaýǵa alynǵan áskerı qyzmetshiler ózderimen birge alyp júre alatyn, saqtaı alatyn, sálemdemeler arqyly ala alatyn azyq-túlik ónimderiniń, birinshi kezekte qajet zattar, aıaq kıim, kıim jáne basqa da ónerkásiptik taýarlar tizbesine (budan ári – Azyq-túlik ónimderiniń tizbesi) sáıkes azyq-túlik ónimderin ózderimen birge alyp júre alady, saqtaı alady, sálemdeme arqyly ala alady.
25. Jeke tintý tolyq jáne jartylaı bolady. Gaýptvahtaǵa qamaýǵa alynǵan áskerı qyzmetshiler odan tys jerge jónelter aldynda, jeke kameraǵa qamaýǵa alǵan kezde tolyq tintýden ótedi.
26. Tolyq tintý kezinde tintilýshiniń denesi, onyń kıimi, aıaq kıimi muqııat tekseriledi. Plastyr japsyrmalary, gıps jáne basqa da baılaýyshtar medısına qyzmetkerimen birge tekseriledi. Kıimge jasyryn tigilgen zattar anyqtalǵan kezde matasy sógiledi. Aıaq kıimnen japsyrmalar, metall taǵalar alynady.
27. Gaýptvahtaǵa qamaýǵa alynǵan áskerı qyzmetshilerde ózimen birge alyp júrýge jáne kamerada saqtaýǵa ruqsat etiletin zattar, kıimder ǵana qaldyrylady.
28. Jartylaı tintý gaýptvahtaǵa qamaýǵa alynǵan áskerı qyzmetshilerdi gaýptvahta sheginde shyǵarǵan kezde (medısına qyzmetkerine, tergeýshige, týystarymen jáne ózge de adamdarmen kezdesý aldynda jáne odan keıin, basqa kameraǵa aýystyrý kezinde) júrgiziledi. Jartylaı tintý kezinde tintilýshini sheshindirmeı, onyń kıimi jáne aıaq kıimi saýsaqpen basyp kórý arqyly tekseriledi.
29. Gaýptvahtaǵa qamaýǵa alynǵan áskerı qyzmetshilerdi jeke tintýdi gaýptvahta qyzmetkerleri júrgizedi.
Gaýptvahtaǵa qamaýǵa alynǵan áskerı qyzmetshilerdiń denesin tekserý kún saıyn júrgiziledi.
30. Gaýptvahtaǵa qamaýǵa alynatyn áskerı qyzmetshilerdi, olardyń jeke isinde taný fotosýretteri bolmaǵan kezde gaýptvahta ákimshiligi fotosýretke túsiredi. Olardyń árqaısysyna kólemi 4,5h6, 6h9 santımetr alty fotosýret (úsheýi aldynan jáne úsheýi qyrynan) jasalady.
31. Gaýptvahtaǵa qamaýǵa alynǵan áskerı qyzmetshilerdiń zattaryn tekserý gaýptvahtaǵa túsken kezde, odan tys jerge jónelter aldynda, basqa kameraǵa, áskerı-medısınalyq mekemege aýystyrý kezinde óziniń qatysýymen júrgiziledi.
32. Gaýptvahtaǵa qamaýǵa alynǵan áskerı qyzmetshilerdi tolyq jeke tintý nemese olardyń zattaryn tekserý hattamamen resimdeledi, oǵan tyıym salynǵan quraldardyń, zattar men azyq-túlik ónimderiniń alynǵany týraly akt qosa beriledi. Tolyq tintý men zattardy tekserý qatar júrgizilgen jaǵdaıda bir hattama jasalady. Hattamaǵa gaýptvahtaǵa qamaýǵa alynatyn áskerı qyzmetshi jáne jeke tintý nemese zattaryna tekserý júrgizgen gaýptvahta qaraýylynyń bastyǵy qol qoıady.
33. Gaýptvahtaǵa qamaýǵa alynatyn áskerı qyzmetshiniń hattamaǵa qol qoıýdan bas tartýy jáne onyń tintý nemese zattaryn tekserý kezindegi talaptary hattamada jazylady. Hattama men akt jeke iske tirkeledi.
34. Jartylaı jeke tintý kezinde tyıym salynǵan quraldardy, zattardy jáne azyq-túlik ónimderin alý týraly hattama jasalady.

4. Gaýptvahtaǵa qamaýǵa alynǵan áskerı qyzmetshilerden saqtaýǵa jáne paıdalanýǵa tyıym salynǵan quraldardy, zattardy jáne azyq-túlik ónimderin alý
35. Gaýptvahtaǵa qamaýǵa alynǵan áskerı qyzmetshiden saqtaýǵa qabyldanǵan nemese oǵan tıesili alynǵan aqsha, qundylyqtar (qymbat metaldar jáne odan jasalǵan buıymdar, qymbat tastar, injý jáne odan jasalǵan buıymdar, barlyq túrdegi jáne markadaǵy saǵattar, baǵaly qaǵazdar, valıýta jáne uıaly baılanys quraldary) gaýptvahta bastyǵyna saqtaýǵa tapsyrylady. Jeke qujattar (jeke basyn kýálandyratyn qujattar) gaýptvahta bastyǵynda saqtalady. Saqtaýǵa jáne paıdalanýǵa tyıym salynǵan quraldar, zattar jáne azyq-túlik ónimderi mekemeniń qoımasyna saqtaýǵa tapsyrylady nemese sottyń sheshimi boıynsha joıylady.
36. Gaýptvahtaǵa qamaýǵa alynǵan áskerı qyzmetshilerden alý nemese saqtaýǵa qabyldaý nátıjeleri boıynsha Qaǵıdalarǵa 7-qosymshaǵa sáıkes aktiniń úlgisi boıynsha úsh danada akt jasalady. Birinshi danasy gaýptvahtaǵa qamaýǵa alynǵan áskerı qyzmetshige beriledi, ekinshi danasy – bólimniń ýákiletti ókiline beriledi, úshinshi danasy jeke iste saqtalady.
37. Gaýptvahta ákimshiligi gaýptvahtaǵa qamaýǵa alynǵan áskerı qyzmetshilerden saqtaýǵa qabyldanǵan nemese alynǵan aqsha somasy nemese qundylyqtar týraly is júrgizýinde qylmystyq is bar adamdy nemese organdy olardyń suraý salýy boıynsha habardar etedi.
38. Gaýptvahtaǵa qamaýǵa alynǵan áskerı qyzmetshiden zattar men azyq-túlik ónimderin saqtaýǵa qabyldaýdy medısınalyq bólim qyzmetkeriniń qatysýymen qaraýyl bastyǵy júrgizedi.
39. Qamaýda ustaý kezeńinde gaýptvahtaǵa qamaýǵa alynǵan áskerı qyzmetshiden aqshany nemese qundylyqtardy alýdyń nemese tabýdyń árbir faktisi boıynsha olardyń kelip túsý kózin jáne naqty ıesin anyqtaý mánine qyzmettik tekserý júrgiziledi.
40. Gaýptvahtaǵa qamaýǵa alynǵan áskerı qyzmetshilerden olarǵa tıesili emes tabylǵan jáne alynǵan quraldar men zattar ıelerine qaıtarylady. Eger alynǵan quraldardyń, zattardyń jáne azyq-túlik ónimderiniń ıesi anyqtalmasa, aqsha, baǵaly qaǵazdar men baǵaly zattar alynady, ol týraly hattama jasalady jáne satý jáne memleket kirisine aýdarý úshin áskerı polısııa organynyń qarjy qyzmeti arqyly salyq organdaryna beriledi.
41. Gaýptvahtaǵa qamaýǵa alynǵan áskerı qyzmetshiniń ótinishi boıynsha jáne adamnyń nemese is júrgizýinde qylmystyq is bar organnyń kelisimimen gaýptvahtada saqtaýda jatqan quraldar, zattar jáne azyq-túlik ónimderi gaýptvahtaǵa qamaýǵa alynǵan áskerı qyzmetshiniń týystaryna beriledi.
42. Gaýptvahtaǵa qamaýǵa alynǵan áskerı qyzmetshi qaıtys bolǵan jaǵdaıda saqtaýda turǵan oǵan tıesili aqsha, qundylyqtar, basqa da quraldar, zattar jáne azyq-túlik ónimderi onyń týystaryna beriledi.

5. Gaýptvahtaǵa qamaýǵa alynǵan áskerı qyzmetshilerdi
materıaldyq-turmystyq qamtamasyz etý
43. Gaýptvahtaǵa qamaýǵa alynǵan áskerı qyzmetshiler:
1) uıyqtaıtyn orynmen;
2) tósek-oryn jabdyqtarymen: matraspen, jastyqpen, kórpemen;
3) tósek jabdyǵymen: eki jaımamen, jastyq tysymen;
4) súlgimen;
5) tapochkalarmen;
6) ashana ydysymen jáne ashana aspaptarymen: tegeshpen, krýjkamen, qasyqpen;
7) jalpyáskerı jarǵylarmen, kitaptarmen, jýrnaldarmen jáne merzimdi basylymmen qamtamasyz etiledi.
Kórsetilgen múlik qamaýda ustaý kezeńine beriledi.
Kameralar sákimen, ústeldermen, oryndyqtarmen, túkirgishtermen, krýjkalarmen jáne ishetin sýy bar ydyspen jabdyqtalady.
Ofıserlerdi ustaýǵa arnalǵan kameralar sákilermen, ústeldermen, oryndyqtarmen, jeke zattarǵa jáne jýynatyn kerek-jaraqqa arnalǵan týmbochkalarmen, ishetin sýy bar ydyspen jáne krýjkalarmen, ilgishtermen jáne túkirgishtermen jabdyqtalady.
Barlyq kameralarǵa túngi ýaqytta kezekshi jaryq túsiriledi.
44. Gaýptvahtaǵa qamaýǵa alynǵan áskerı qyzmetshige uzaqtyǵy keminde 15 mınýt dýshta jýyný múmkindigi beriledi, monshada jýyný aptasyna bir ret áskerı polısııa organynyń bastyǵy belgilegen kúnderi jáne saǵattarda júrgiziledi. Monshada jýyný kúnderi gaýptvahtaǵa qamaýǵa alynǵan áskerı qyzmetshilerdiń ish kıimderi men tósek jabdyqtaryn aýystyrý, sondaı-aq olardy medısınalyq tekserý júzege asyrylady.
45. Gaýptvahtaǵa qamaýǵa alynǵan áskerı qyzmetshilerge olardyń ótinishi boıynsha usynystar, ótinishter, shaǵymdar jazý úshin jazý quraldary beriledi (qaǵaz, sharıkti qalamsap).
46. Gaýptvahta ákimshiliginiń kinásinen gaýptvahtaǵa qamaýǵa alynǵan áskerı qyzmetshige keltirilgen materıaldyq zalal Qazaqstan Respýblıkasynyń azamattyq zańnamasyna sáıkes óndirilip alynady.

6. Sálemdemelerdi qabyldaý jáne gaýptvahtaǵa qamaýǵa alynǵan áskerı qyzmetshilerge berý
47. Gaýptvahtaǵa qamaýǵa alynǵan áskerı qyzmetshilerge birinshi kezekte qajet zattar, maýsym boıynsha kıim, sondaı-aq dárilik zattar jáne medısınalyq maqsattaǵy buıymdar bar sálemdemeler, banderol alýǵa ruqsat etiledi. Sálemdemeler, banderol áskerı polısııa organy boıynsha kezekshiniń qatysýymen Qaǵıdalarǵa 8-qosymshaǵa sáıkes azyq-túlik pen kıim-keshek sálemdemelerin tekserý tártibinde tekseriledi. Memlekettik jáne orys tilderinde jazylǵan azyq-túlik ónimderiniń tizbesi gaýptvahtanyń stendine ilinedi.
48. Sálemdeme jetkizgen adam ótinishti Qaǵıdalarǵa 9-qosymshaǵa sáıkes úlgi boıynsha eki danada toltyrady jáne oǵan qol qoıady. О́tinishtiń eki danasy, sálemdeme jetkizgen adamnyń jeke basyn kýálandyratyn qujat gaýptvahta qyzmetkerine beriledi.
49. Sálemdeme qabyldaı otyryp, gaýptvahta qyzmetkeri kelýshige jeke qujattary men qabyldaǵany týraly qoly bar ótinishtiń bir danasyn qaıtarady, al ekinshi danasyn gaýptvahtaǵa qamaýǵa alynǵan áskerı qyzmetshi sálemdemeni alǵanǵa qol qoıǵannan keıin onyń jeke isine tirkeıdi. Bul adamǵa arnalǵan jeke iste sálemdemeni alǵany týraly belgi qoıylady. О́tinishke qol qoıýdan bas tartylǵan jaǵdaıda, onda ol týraly tıisti belgi jasalady.
50. Sálemdemede, banderolde, hatta tabylǵan gaýptvahtaǵa qamaýǵa alynǵan áskerı qyzmetshide bolýǵa tyıym salynǵan quraldar nemese zattar alynady jáne qaıtarý sebepterin kórsete otyryp, sálemdeme jetkizgen adamǵa qaıtarylady. Sálemdeme poshta arqyly alynǵan jaǵdaıda tyıym salynǵan quraldar, zattar nemese aqsha sottalýshynyń jeke zattarynyń tizimdemesine engiziledi jáne jazalaý merzimin ótegenge deıin onyń basqa da jeke zattarymen birge saqtalady.
51. Sálemdeme mynadaı jaǵdaılarda:
1) adresat qamaýdan bosatylǵan;
2) gaýptvahtaǵa qamaýǵa alynǵan áskerı qyzmetshi qaıtys bolǵan;
3) sálemdeme jetkizgen adam jeke basyn kýálandyratyn qujatty kórsetpegen;
4) sálemdemeniń salmaǵy poshta qaǵıdalarynda kózdelgen normaǵa sáıkes kelmegen;
5) sálemdeme qabyldaýǵa ótinish durys resimdelmegen;
6) gaýptvahtaǵa qamaýǵa alynǵan áskerı qyzmetshiniń óziniń atyna kelgen sálemdemeni qabyldaýdan jazbasha túrde bas tartýy bar bolǵan jaǵdaılarda qabyldanbaıdy jáne kelýshige qaıtarylady.
52. Sálemdeme, ony qabyldaǵannan keıin bir jumys kúninen keshiktirilmeı gaýptvahtaǵa qamaýǵa alynǵan áskerı qyzmetshige tapsyrylady.

7. Gaýptvahtaǵa qamaýǵa alynǵan áskerı qyzmetshilerdiń jedelhattar men hattardy, sondaı-aq shaǵymdar men ótinishterdi alýy jáne jiberýi
53. Gaýptvahtaǵa qamaýǵa alynǵan áskerı qyzmetshilerge hat jazysýǵa, jazý quraldaryn paıdalanýǵa, gazetterdi, jalpyáskerı jarǵylardy, áskerı, oqý, ǵylymı jáne kórkem ádebıetti oqýǵa jáne radıobaǵdarlamalardy tyńdaýǵa ruqsat etiledi.
54. Hat jazysý prokýrorǵa jáne sotqa jazylǵan hattardan basqa, is júrgizýinde qylmystyq is bar adamnyń nemese organnyń ruqsaty boıynsha olardyń esebinen júzege asyrylady.
55. Gaýptvahtaǵa qamaýǵa alynǵan áskerı qyzmetshilerden hattar men jedelhattardyń toltyrylǵan blankilerin gaýptavahta ókili kún saıyn qabyldaıdy. Hattar, olarda jiberýshiniń tegin, aty-jónin jáne áskerı polısııa organynyń poshtalyq mekenjaıyn kórsete otyryp, japsyrylmaǵan konvertterde ǵana qabyldanady. Jedelhattyń toltyrylǵan blankisine jedelhatqa tóleý úshin qamaýǵa alynǵan áskerı qyzmetshiniń derbes shotynan aqsha alý ótinishimen áskerı polısııa organy bastyǵynyń atyna jazylǵan qamaýǵa alynǵannyń ótinish (erikti túrde) qosa beriledi.
56. Jedelhatty jibergennen keıin gaýptvahtaǵa qamaýǵa alynǵan áskerı qyzmetshige poshta túbirtegi tapsyrylady, al derbes shotta aqsha bolǵan jaǵdaıda, oǵan tıisti belgisi bar aqsha túbirtegi qaıtarylady. Eger qaldyq bolmasa, aqsha túbirtegi ótinishke tirkeledi. Jedelhat jibergen gaýptvahtaǵa qamaýǵa alynǵan áskerı qyzmetshiniń poshta túbirtegin alǵany týraly qoly bar ótinishi jeke iske tirkeledi.
57. Jábirlenýshilerge, qylmys kýágerlerine joldanǵan, sondaı-aq qylmystyq is boıynsha qandaı da bir málimetterdi, qorlaýdy, qorqytýdy, jazasyn tarttyrýǵa, qylmys nemese ózge de quqyq buzýshylyq jasaýǵa shaqyrýlardy, gaýptvahtanyń kúzeti, onyń qyzmetkerleri, tyıym salynǵan zattardy berý tásilderi týraly aqparatty jáne qylmystyq is boıynsha shyndyqty anyqtaýǵa kedergi keltirýi nemese qylmys jasaýǵa yqpal etýi múmkin, sondaı-aq memlekettik nemese zańmen qorǵalatyn ózge de qupııany quraıtyn qupııa jazýmen, shıfrmen oryndalǵan basqa da málimetterdi qamtıtyn hattar men jedelhattar adresatqa joldanbaıdy, gaýptvahtaǵa qamaýǵa alynǵan áskerı qyzmetshilerge tapsyrylmaıdy jáne is júrgizýinde qylmystyq is bar adamǵa nemese organǵa beriledi.
58. Kelip túsken hattardy tapsyrýdy gaýptvahta bastyǵy júrgizedi.
59. Gaýptvahtanyń qyzmetkerleri kún saıyn kameralardy aralaıdy jáne gaýptvahtaǵa qamaýǵa alynǵan áskerı qyzmetshilerden usynystardy, ótinishter men shaǵymdardy jazbasha túrde de, aýyzsha túrde de qabyldaıdy.
60. Aýyzsha túrde qabyldanǵan usynystar, ótinishter men shaǵymdar gaýptvahta bastyǵyna baıandalady.
61. Jazbasha túrde joldanǵan jáne mazmundalǵan usynystar, ótinishter men shaǵymdar tirkeledi jáne olardyń ruqsaty boıynsha sharalar qabyldaıtyn áskerı polısııa organynyń nemese gaýptvahtanyń basshylyǵyna baıandalady.
62. Prokýrorǵa nemese sotqa joldanǵan usynystar, ótinishter men shaǵymdar japsyrylǵan konvertte qabyldanady jáne senzýraǵa jatqyzylmaıdy. Olar kelip túsýine qaraı dereý adresatqa joldanady.
63. Qylmystyq qýdalaý organymen gaýptvahtaǵa qamaýǵa alynǵan áskerı qyzmetshilerdiń jáne sottalǵan áskerı qyzmetshilerdiń usynystary, ótinishteri men shaǵymdary Qaǵıdalarǵa 10-qosymshaǵa sáıkes gaýptvahtaǵa qamaýǵa alynǵan áskerı qyzmetshilerdiń usynystaryn, ótinishteri men shaǵymdaryn tirkeý kitabynda tirkeledi jáne bir kúntizbelik kúnnen keshiktirilmeı áskerı polısııa organy arqyly tıesiligi boıynsha joldanady.

8. Gaýptvahtaǵa qamaýǵa alynǵan áskerı qyzmetshilerdi eńbekke tartý
64. Gaýptvahtaǵa qamaýǵa alynǵan áskerı qyzmetshiler uzaqtyǵy aptasyna tórt saǵattan artyq emes gaýptvahtaǵa sharýashylyq qyzmetin kórsetý jónindegi jumystardy oryndaýǵa tartylady.
65. Gaýptvahtaǵa qamaýǵa alynǵan áskerı qyzmetshiler kezektilik tártibimen kameralardy jáne gaýptvahtanyń basqa da úı-jaılaryn jınaıdy.
66. Ákimshiliktik tártippen gaýptvahtaǵa qamaýǵa alynǵan áskerı qyzmetshiler kúzettiń, dabyldama men baılanystyń ınjenerlik-tehnıkalyq quraldaryn, kólik quraldarynyń barlyq túrlerin jáne kóbeıtý apparatýrasyn jóndeýmen jáne paıdalanýmen baılanysty jumystarǵa jiberilmeıdi.

9. Gaýptvahtaǵa qamaýǵa alynǵan áskerı qyzmetshilerdiń
gazetter men jýrnaldarǵa jazylýyn júrgizý
67. Gaýptvahtaǵa qamaýǵa alynǵan áskerı qyzmetshilerge Qazaqstan Respýblıkasynyń baılanys bólimsheleri arqyly taratylatyn gazetter men jýrnaldarǵa jazylý quqyǵy beriledi.
68. Jazylýdy resimdeý úshin gaýptvahtaǵa qamaýǵa alynǵan áskerı qyzmetshi gaýptvahta bastyǵynyń atyna ótinish jazady. Jazylýdy resimdeýge nıet bildirgen gaýptvahtaǵa qamaýǵa alynǵan áskerı qyzmetshige óziniń esebinen abonement pen jetkizý kartochkasynyń blankileri beriledi.
69. Baılanys bólimshesinde jazylýdy resimdeýdi gaýptvahta qyzmetkeri gaýptvahtaǵa qamaýǵa alynǵan áskerı qyzmetshiniń derbes shotyndaǵy qarajat esebinen júrgizedi.
70. Jazylýdy basqa mekenjaıǵa jiberý jazylýshynyń esebinen áskerı polısııa organy basshylyǵynyń ruqsatymen onyń jazbasha ótinishi boıynsha júzege asyrylady.
71. Jazylýdy gaýptvahtaǵa qamaýǵa alynǵan áskerı qyzmetshiniń atyna onyń týystary resimdeýi múmkin.
72. Jazylý resimdelýi múmkin basylymdardyń sanyna shek qoıylmaıdy.

10. Medısınalyq-sanıtarlyq qamtamasyz etý
73. Gaýptvahtaǵa qamaýǵa alynǵan áskerı qyzmetshiler áskerı polısııa organy medısına qyzmetkeriniń, ol kún saıyn kameralardy aralaǵan ýaqytta medısınalyq kómegine, al jiti naýqastanǵan jaǵdaıda gaýptvahta qyzmetkerine júginedi. Gaýptvahtaǵa qamaýǵa alynǵan áskerı qyzmetshi júgingen qyzmetker oǵan medısınalyq kómek kórsetý úshin sharalar qabyldaıdy.
74. Densaýlyq jaǵdaıyna shaǵymdanǵan gaýptvahtaǵa qamaýǵa alynǵan áskerı qyzmetshi medısına qyzmetkeriniń qorytyndysy boıynsha shuǵyl bilikti medısınalyq kómek kórsetý qajet bolǵan kezde áskerı polısııa organy bastyǵynyń ruqsatymen aıdaýyldyń ilesip júrýimen medısınalyq mekemege jiberiledi. Áskerı polısııa organynyń bastyǵy áskerı qyzmetshini medısınalyq mekemege ornalastyrý týraly prokýrorǵa, sýdıaǵa jáne áskerı bólimniń qolbasshylyǵyna dereý habarlaıdy.
75. Áskerı qyzmetshi saýyqqannan keıin, eger sýdıanyń ózge de sheshimi bolmasa, áskerı bólimniń komandıri ony jazasyn odan ári óteý úshin gaýptvahtaǵa jiberedi.
76. Gaýptvahtaǵa qamaýǵa alynǵan áskerı qyzmetshilerge ambýlatorlyq kómek gaýptvahtanyń kameralarynda kórsetiledi. Dári-dármekterdi berý dárigerdiń taǵaıyndaýy boıynsha belgilengen mólsherde jeke qol qoıǵyzyp júzege asyrylady.
77. Zańnyń 23-babyna sáıkes gaýptvahtaǵa qamaýǵa alynǵan áskerı qyzmetshiniń dene jaraqattaryn medısınalyq kýálandyrýdy ýákiletti organ áskerı-medısınalyq bólimsheleriniń qyzmetkerleri mynadaı jaǵdaılarda júrgizedi:
1) áskerı polısııa organy bastyǵynyń sheshimi boıynsha;
2) qamaýda ustaý oryndarynda zańdardyń qoldanylýyna qadaǵalaýdy júzege asyratyn prokýrordyń nusqaýy boıynsha;
3) is júrgizýinde qylmystyq is bar adamnyń nemese organnyń sheshimi boıynsha;
4) dene jaraqattaryn alǵan qamaýdaǵy adamdardyń qoldaýhaty boıynsha;
5) dene jaraqattaryn alǵan gaýptvahtaǵa qamaýǵa alynǵan áskerı qyzmetshi qorǵaýshysynyń qoldaýhaty boıynsha.

11. Kúndelikti serýendetý
78. Áskerı polısııa organynyń árbir gaýptvahtasynda gaýptvahtaǵa qamaýǵa alynǵan áskerı qyzmetshilerdiń serýendeýine arnalǵan bıiktigi keminde úsh metr qalyń qorshaýmen qorshalǵan, joǵarǵy jaǵynan Qaǵıdalarǵa 11-qosymshaǵa sáıkes serýendeý aýlalarynyń sıpattamasymen belgilengen metall tormen jabdyqtylǵan aýla bolýǵa tıis. Júkti áskerı qyzmetshi áıelder úshin serýendeýdiń uzaqtyǵy keminde 3 saǵatty quraıdy.
79. Gaýptvahtaǵa qamaýǵa alynǵan áskerı qyzmetshiler kún saıyn uzaqtyǵy keminde bir saǵat serýendeýdi paıdalanady. Serýendeýdiń uzaqtyǵyn kún tártibin, aýa raıyn, mekemedegi adam sanyn eskere otyryp, áskerı polısııa organynyń ákmishiligi belgileıdi.
80. Serýendeý kameralar boıynsha kúndizgi ýaqytta gaýptvahtanyń arnaıy jabdyqtalǵan aýmaǵynda júrgiziledi. Gaýptvahtaǵa qamaýǵa alynǵan áskerı qyzmetshiniń serýendeýi, eger ol osy Qaǵıdalarmen belgilengen talaptardy buzsa, gaýptvahta bastyǵynyń (qaraýyl bastyǵynyń) sheshimi boıynsha merziminen buryn toqtatylýy múmkin.
81. Serýendeýden bosatýdy áskerı qyzmetshiniń ótinishin qaraǵannan keıin gaýptvahta bastyǵy júzege asyrady.

12. Gaýptvahtaǵa qamaýǵa alynǵan áskerı qyzmetshilerdiń qorǵaýshylarymen,
týystarymen jáne ózge de adamdarmen kezdesýlerin ótkizý
82. Gaýptvahtaǵa qamaýǵa alynǵan áskerı qyzmetshilerge týystarymen jáne ózge de adamdarmen kezdesýler is júrgizinde qylmystyq is bar adamnyń nemese organnyń jazbasha ruqsaty negizinde beriledi. Ruqsat bir ǵana kezdesýge jaramdy.
83. Gaýptvahtaǵa qamaýǵa alynǵan áskerı qyzmetshimen kezdesýge bir ýaqytta kámeletke tolǵan ekiden artyq emes adamǵa ǵana ruqsat etiledi.
84. Is júrgizýinde qylmystyq is bar adamnyń nemese organnyń jazbasha ruqsaty, sondaı-aq jeke basyn kýálandyratyn qujattar negizinde áskerı polısııa bólimshesiniń bastyǵy nemese onyń orynbasary kezdesýge ruqsat etý týraly jazbasha nusqaý beredi jáne onyń uzaqtyǵyn aıqyndaıdy, odan keıin gaýptvahtanyń bastyǵyna ony ótkizý týraly ókim beredi.
85. Kezdesýler jalpy kezektilik tártibimen beriledi. Kezdesýlerge kelgen adamdar kezdesý ýaqytynda tártip saqtaý qaǵıdalary týraly habardar etiledi jáne osy Qaǵıdalarmen belgilengen talaptardy buzǵan jaǵdaıda kezdesýdiń toqtatylatyny týraly eskertiledi.
86. Kezdesýge olardyń jeke basyn kýálandyratyn qujattarsyz nemese alkogoldik, esirtki mas kúıinde ne ýytqumarlyq kúıinde kelgen adamdarǵa, sondaı-aq ruqsat qaǵazynda kórsetilmegen adamdarǵa kezdesýler berilmeıdi. Kezdesýge ruqsat bermeýden bas tartý sebepteri kezdesýge kelgen adamǵa jarııalanady.
87. Gaýptvahtaǵa qamaýǵa alynǵan áskerı qyzmetshilerdiń týystarymen jáne ózge de adamdarmen kezdesýleri Qaǵıdalarǵa 12-qosymshaǵa sáıkes gaýptvahta qyzmetkerleriniń baqylaýymen arnaıy jabdyqtalǵan úı-jaılarda qandaı da bir zattardy berýdi boldyrmaıtyn, biraq sóılesýge jáne kózbe-kóz kezdesýge kedergi jasamaıtyn bóletin qabyrǵa arqyly júrgiziledi.
88. Gaýptvahtaǵa qamaýǵa alynǵan áskerı qyzmetshilerdiń kezdesýge kelgen adamdarmen sóılesýi tikeleı nemese sóılesý qurylǵysy arqyly júzege asyrylady.
89. Gaýptvahtaǵa qamaýǵa alynǵan áskerı qyzmetshilerdiń qorǵaýshysymen kezdesýleri jumys ýaqytynda, ońasha bóletin qabyrǵasyz jáne olardyń sany men uzaqtyǵyn shekteýsiz júzege asyrylady. Kezdesýler gaýptvahta qyzmetkerine gaýptvahtaǵa qamaýǵa alynǵan áskerı qyzmetshini jáne qorǵaýshyny kórýge, biraq olardy estimeýge múmkindik beretin jaǵdaılarda júrgiziledi.
90. Gaýptvahtaǵa qamaýǵa alynǵan áskerı qyzmetshimen kezdesýler qorǵaýshyǵa, onyń jeke basyn kýálandyratyn qujaty, sondaı-aq qylmystyq is júrgizý zańnamasynyń normalaryna sáıkes qylmystyq prosess júrgizetin adam nemese organ bergen qylmystyq iske qatysýǵa rastaıtyn qujaty bar bolǵan kezde beriledi.
91. Gaýptvahtaǵa qamaýǵa alynǵan áskerı qyzmetshilermen kezdesýlerge ruqsat alǵan adamdarǵa áskerı polısııa organy bastyǵynyń nemese onyń ornynda bolatyn adamdardyń ruqsatynsyz gaýptvahtaǵa tehnıkalyq baılanys quraldaryn, kompıýterlerdi, kıno, foto, aýdıo, beıne jáne kóbeıtý apparatýrasyn alyp kirýge jáne kezdesý ýaqytynda olardy paıdalanýǵa jol berilmeıdi.
92. Kezdesýdi merziminen buryn toqtatýǵa negizder mynalar bolyp tabylady:
1) kezdesýge kelgen adamdardyń kezdesýdi ótkizýge jaýapty gaýptvahta qyzmetkeriniń zańdy talaptaryn oryndamaýy;
2) gaýptvahtaǵa qamaýǵa alynǵan áskerı qyzmetshige qandaı da bir quraldardy, zattardy, azyq-túlik ónimderin berýge nemese odan alýǵa áreket jasaý;
3) qylmystyq is boıynsha shyndyqty anyqtaýǵa kedergi keltirýi, qylmystar jáne ózge de quqyq buzýshylyqtar jasaýǵa yqpal etýi múmkin málimetterdi berý;
4) kezdesýge kelgen adamdardyń ózara baılanys úshin shartty belgilerdi, shıfrdy jáne aqparatty berýdiń basqa da tásilderin paıdalanýy.
93. Kezdesý merziminen buryn toqtatylǵan jaǵdaıda ony ótkizýge jaýapty gaýptvahta qyzmetkeri kezdesýdi toqtatý sebepterin kórsete otyryp, ol týraly gaýptvahta bastyǵyna jazbasha túrde baıandaıdy
94. Gaýptvahtaǵa qamaýǵa alynǵan áskerı qyzmetshilermen kezdesýler ýaqytsha toqtatylǵan jaǵdaıda (karantınge, erekshe jaǵdaıdaǵy rejımniń engizilýine baılanysty) áskerı polısııa organynyń bastyǵy ol týraly gaýptvahtada zańdylyqtyń saqtalýyna qadaǵalaýdy júzege asyratyn prokýrorǵa, tıisti sot jáne tergeý organdaryna habarlaıdy, baqylaý-ótkizý pýnktinde habarlandyrý ilinedi.

13. Gaýptvahtaǵa qamaýǵa alynǵan áskerı qyzmetshilerdiń tergeý áreketterine jáne sot otyrystaryna qatysýyn qamtamasyz etý
95. Áskerı polısııa organynyń basshylyǵy qylmystyq is júrgizetin sýdıalarǵa, prokýrorlarǵa, tergeýshilerge, anyqtaýdy júrgizetin adamdarǵa gaýptvahtaǵa qamaýǵa alynǵan áskerı qyzmetshilermen tergeý áreketterin júrgizý úshin jumys ýaqytynda gaýptvahtaǵa kedergisiz kelýin qamtamasyz etedi.
96. Gaýptvahtaǵa qamaýǵa alynǵan áskerı qyzmetshilerdi QR QIJK-da kózdelgen jaǵdaılardy qospaǵanda, kezdesýge, sondaı-aq kezekshi aýysymdardyń kezekshilikti tapsyrý-qabyldaý kezeńinde (bir saǵattan artyq emes), kún tártibine sáıkes tamaq ishetin ýaqytta (tańerteńgi, túski, keshki as), sondaı-aq túngi ýaqytta (keshki saǵat 22-den bastap kelesi kúngi tańǵy saǵat 6-ǵa deıin) shaqyrtýlar boıynsha kameradan shyǵarýǵa jol berilmeıdi. Kórsetilgen ýaqytta shaqyrtý boıynsha shyǵarylǵan gaýptvahtaǵa qamaýǵa alynǵan áskerı qyzmetshiler kameralarǵa qaıtady.
97. Tergeýshiniń, anyqtaý júrgizetin adamnyń, prokýrordyń nemese sottyń (sýdıanyń) nusqaýy boıynsha gaýptvahta aýmaǵynda tergeý áreketterin, ambýlatorlyq sot-psıhıatrııalyq jáne basqa da saraptamalar júrgizý úshin gaýptvahta bastyǵy:
1) jabdyqtalǵan úı-jaıdy beredi;
2) gaýptvahtaǵa qamaýǵa alynǵan áskerı qyzmetshini jetkizedi jáne ony kúzetýdi qamtamasyz etedi;
3) tergeý áreketterine qatysý úshin tartylatyn ózge de adamdardyń gaýptvahtaǵa kirýin qamtamasyz etedi;
4) gaýptvahtaǵa qamaýǵa alynǵan áskerı qyzmetshiniń mekeme qoımasynda saqtaýda jatqan nemese jeke paıdalanýdaǵy múlkine tintý, ony alýdy, oǵan tyıym salýdy júrgizedi.
98. Gaýptvahtaǵa qamaýǵa alynǵan áskerı qyzmetshiler gaýptvahta bastyǵynan qoldarynda saqtaý úshin mynadaı qujattardy qol qoıý arqyly alady: aıyptaý qorytyndysynyń kóshirmesin, tergeýshini, anyqtaýshyny, qorǵaýshyny, sýdıany aýystyrý týraly habarlama