«Qymbatty dostar, sizderge jaǵymdy jańalyq jetkizgim kelip otyr. Búgin Úkimet «Qyzyljar» arnaýly ekonomıkalyq aımaǵyn qurý jóninde Qaýly qabyldady. Bul Soltústik Qazaqstan úshin mańyzdy jańalyq. AEA osy zamanǵy, eksportqa baǵdarlanǵan ónimder shyǵarylatyn bolady. Barlyǵy úsh myńdaı jańa jumys oryndadary ashylady dep kútilýde. Onyń qyzmeti jıyrma bes jylǵa sozylyp, 1,5 trıllıon teńgeniń ónimin shyǵaratyn bolady», dedi Qumar Aqsaqalov.
Sonymen qatar ákim bul Qazaqstan men Reseı shekaralyq aýmaǵynda ashylyp otyrǵan alǵashqy ekonomıkalyq aımaq ekenin aıta kelip, onda azyq túlik ónimderi shyǵarylyp jáne óńdeletinin, qurylys materıaldary, jıhazdar, elektronıka jáne masına jasaý ónimderi jasalatynyn atap ótken. «Bızneske barlyq jaǵdaı jasalyp, salyqtyq jeńildikter beriledi. Memleket barlyq ınfraqurylymdardy jasaý mindetin óz moınyna alady» delingen málimdemede. «Sondyqtan da biz ózimizdiń eldiń jáne shetelderdiń ınvestorlary buǵan qyzyǵýshylyq tanytar degen úmittemiz» deıdi Qumar Aqsaqalov.
