Bıýdjettiń tolyqtyrylǵan jobasyn tanystyrǵan Qarjy mınıstriniń orynbasary Berik Sholpanqulov muny Aýyl sharýashylyǵy mınıstrliginiń bir qaǵazdardy ýaqytynda bermegenin, sóıtip saraptama jasalmaǵanyn, onyń sol sebepti sýbsıdııanyń qajettigin dáleldeı almaǵandyǵyn aıtty. Biraq bul synyqqa syltaý ekeni kórinip tur. О́ıtkeni talqylaýǵa qatysyp otyrǵan Aýyl sharýashylyǵy mınıstriniń birinshi orynbasary Aıdarbek Saparov tıisti qaǵazdardyń bári ýaqytynda berilgenin aıtty.
Qysqasy, bul jańalyqtan keıin jer-jerdegi basshylyqtyń sharýalarǵa sýbsıdııa beriledi dep mal ósirýge jumyldyrǵan, sóıtip et pen sút óndirisin ulǵaıtamyz, azyq-túlik qaýipsizdigin kúsheıtemiz degen nıetteri adyra qaldy. «Maǵan mal ósiresiń, 30 ógizshe satyp alýǵa sýbsıdııa beremiz dep qora salýǵa májbúrlegen edi. Endi ony bermeıtin bolsa, men mal baǵýmen aınalyspaımyn, eginimdi ósirip júre beremin. Maǵan sol da jetedi», deıdi Jambyl aýdanynda eki jarym myń gektar jerge astyq egip júrgen sharýa E.Sarymsaqov.
Árıne astyq ósirý mal ósirýge qaraǵanda jeńildeý. Kóktemde tuqym seýip tastasań, jazda aramshópten bir tazartyp, kúzde buıyrǵanyn oryp alasyń. Sondyqtan birneshe myń gektardy jalǵa alǵan soltústiktiń sharýalary men fermerleri negizinen astyq ósirýmen ǵana aınalysyp keledi. Tek astyq ósirýmen aınalyssa da tamaǵy toq, qaltasy tolyq bolary sózsiz. Kezinde sharýalarǵa ulanǵaıyr jerdi jalǵa bergende jaıylymdyq jerdi sol baǵytta ǵana qoldanasyń, 1000 gektar alsań – 50 bas, 2000 gektar alsań – 100 bas mal ósirý kerek degen sııaqty talap bolǵan joq. Ondaı talap zańda qarastyrylmaǵan edi.
Alaıda et pen sút óndirisi azaıyp bara jatqanyna alańdaǵan Úkimet 2018 jyldan beri mal sharýashylyǵyn, onyń ishinde etti iri qarany molaıtý baǵdarlamasyn qabyldaǵany málim. Osynyń nátıjesinde mal baǵatyndarǵa sýbsıdııa berilip, oblystar mal basyn azdap ta bolsa kóbeıte bastaǵan. Endi sol jumys Qarjy mınıstrliginiń sheshimimen sap tyıylmaq. Osyǵan qaraǵanda bul mınıstrlik ettiń syrttan ákelingenin qoldaıtyn sııaqty. Sonyń ishinde Qytaıdyń ımportyn qoldaıdy dep oılap qalýǵa da bolady. О́ıtkeni jýyrda ǵana osy mınıstrliktiń Memlekettik kirister komıteti tóraǵasynyń orynbasary О́.Beıspekov basqarǵan delegasııa QHR ókilderimen Qazaqstan-Qytaı shekarasynda «Jasyl dáliz» ashý týraly kelisim jasaǵan edi. Kelisimde qazaqstandyq «Nur joly» men qytaılyq «Qorǵas» shekaralyq beketterinde Qytaıdan Qazaqstanǵa engiziletin aýylsharýashylyq ónimderin jyldam ótkizý sharalary qamtylǵan. Bul onsyz da qaptap ketken qytaıdyń tamaq ónimderi elimizde kóbeıe túsedi degen sóz.
Árıne bul kelisimniń sýbsıdııany qysqartýǵa qatysy bolmaýy da múmkin. Alaıda mal basyn kóbeıtýge baǵyttalǵan sýbsıdııanyń qysqartylǵany qytaılyq ımporttyń kóbeıip, otandyq et pen sút óndirisin azaıtýy ábden múmkin.
Soltústik Qazaqstan oblysy
