«Avtobýs» jedel aldyn alý is-sharasynyń alǵashqy tórt kúni ishinde oblys boıynsha qoǵamdyq kólik júrgizýshileri 592 márte jol erejesin buzǵany anyqtaldy. Batys Qazaqstan oblystyq polısııa departamenti baspasóz qyzmetiniń jetekshisi Bolatbek Belgibekov osylaı málimdedi.
Joǵarydaǵy málimetti taratyp aıtsaq, kólik júrgizýshilerine jol ústinde telefon qoldanǵany úshin 130 ákimshilik materıal toltyrylǵan. 6 júrgizýshi tasymal kezinde eńbek jáne demalys rejımin buzǵan. 153 ákimshilik materıal manevr erejesin buzǵany úshin qattaldy. 38 júrgizýshi tehnıkalyq baqylaýdan ótpegen kólik quraldaryn basqarǵany úshin jaýapqa tartylsa, 10 avtobýstyń zańsyz qaıta jabdyqtalǵany anyqtaldy. Qoǵamdyq kólikti basqaratyn 40 júrgizýshi jyldamdyqty arttyrǵany úshin aıypty boldy. Al 1 júrgizýshi jol erejesin óreskel buzyp, qarsy baǵyttaǵy jolaqqa shyǵyp ketken. Sondaı-aq 44 júrgizýshi tıisti qujatsyz kólik quraldaryn basqarǵany úshin ákimshilik jaýapkershilikke tartyldy.
«Avtojoldarda avtobýstar jáne taksılerdiń jolaýshy tasymaldaý kezinde talaptardy saqtaý boıynsha baqylaý kúsheıtildi. Polısııa qyzmetkerleri zańsyz qaıta jabdyqtalǵan avtobýstardy, sondaı-aq tehnıkalyq jaǵdaıy men qurylysy jol qozǵalysy qaýipsizdiginiń belgilengen talaptaryna sáıkes kelmeıtin avtobýstar men taksılerdi paıdalanýǵa tyıym salý sharalaryn qoldanýda. Is-shara barysynda aldyn ala jáne kezeń-kezeńmen, onyń ishinde reıs aldynda júrgizýshini medısınalyq tekserý, olardyń eńbek jáne demalys rejımin saqtaýyna erekshe mán beriledi» delingen polısııa taratqan málimdemede.
«Avtobýs» jedel-profılaktıkalyq is-sharasy qazan aıynyń 17-sine deıin sozylady.
Batys Qazaqstan
