Basqosýda sóz alǵan A.Berdalın Agenttiktiń bilim salasyn nazardan tys qaldyrmaı, mektepterdegi «Adal urpaq» erikti mektep klýbtarynyń, joǵary oqý oryndaryndaǵy «Sanaly urpaq» jobalyq keńseleriniń jumystaryn qadaǵalap otyratyndyǵyn, atalǵan jobalar arqyly árbir ókeleń jas urpaqtyń boıyna adaldyq pen parasattylyq dánin egip, bolashaq eliniń otansúıgish urpaǵyn tárbıeleý dep atap kórsetti.
Qazaqtyń ulttyq ónerin dáriptep júrgen Y.Tursynzada óz áńgimesin jastarǵa sonyń ishinde qyz balalarǵa arnady. Bolashaqtyń ar-namysy qyzdyń qolynda, Er adam azamatty tárbıeleıdi, áıel adamzatty tárbıeleıdi deı kele, stýdent jastarǵa adaldyq –parasattylyqtyń bastaýy ekenin túsindirip, árbir azamattyń rýhyn kóterip, namysyn bıikteter rýhanı áńgimesimen jalǵastyrdy.
Agenttik ókili, aıtysker aqyn A.Berdalın «Memleketti arba dep qaraıtyn bolsaq, arbanyń jyljýyna 5 túrli kúsh toby áser etedi. Biri alǵa súırese, keıingi top ıyǵymen demep arbanyń odan ári jyljýyna úlesin qosady, endi biri osy arbamen dittegen jerine jetýdi oılasa, tórtinshisi kedergi jasap, bógetter koıýmen áýre, besinshi top syrttaı baqylap, synaýshy retinde qatysady» dep, aǵa býyn men keıingi býyn arasynda urpaqtar sabaqtastyǵy jalǵasyp, ádil de adal kózqarasta bolyp, árkezde memleketke demeý bolar azamat bolyp ósýlerine senimderin bildirdi.Erkin formatta ótken kezdesýdi jastar jyly qabyldap, óz oılaryn ashyq bildirip, júrekjardy usynys-pikirlerimen bólisti.
