Zań jobasy «Nur-Otan» partııasynyń saılaýaldy baǵdarlamasynyń sharalaryn, Memleket basshysynyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Joldaýyn, Qazaqstan Respýblıkasynyń Tuńǵysh Prezıdenti – Elbasynyń «Nur-Otan» partııasynyń XVIII sezinde berilgen tapsyrmalaryn oryndaý maqsatynda, sondaı-aq 2019 jylǵy bıýdjetti atqarý aıasynda daıyndalǵan bolatyn.2019 jylǵy eldiń áleýmettik-ekonomıkalyq damý boljamynyń kórsetkishteri aǵymdaǵy jylǵy sáýirde túzetilgen boljam deńgeıinde saqtalǵan.Aǵymdaǵy jyldyń basynan beri ekonomıkanyń damý serpini eskerile otyryp, 2019 jyly JIО́ ósimi buryn bekitilgen 3,8 % deńgeıinde bolady dep kútilýde.2019 jylǵa munaıdyń boljamdy baǵasyn bir barrel úshin 55 AQSh dollary deńgeıinde saqtaý usynylady.Qazaqstan Respýblıkasy Ulttyq Bankiniń boljamy boıynsha jyldyq ınflıasııanyń nysanaly dálizi 4,0 – 6,0% sheginde saqtalǵan.
Naqtylaýdyń negizgi mindetteri áleýmettik salada shuǵyl qarjylandyrylatyn jekelegen máselelerdi sheshý, keıingi jyldarda ekonomıkanyń ósýi úshin qosymsha kózder jasaý jáne 2019 jyldyń sońyna deıin Úkimettiń kezek kúttirmeıtin mindetterge arnalǵan rezerviniń aqylǵa qonymdy deńgeıin qamtamasyz etý bolyp tabylady.Osy mindetterdi iske asyrý shyǵystardy qaıta bólý jáne 94,9 mlrd. teńgege ulǵaıta otyryp, aǵymdaǵy jyldyń 9 aıy ishinde oryndalý nátıjeleri boıynsha túsimderdi túzetý arqyly qamtamasyz etiletin bolady.
Áleýmettik blok shyǵystary 5,4 trln. teńgeni nemese 6,7 mlrd. teńgege ulǵaıýmen shyǵystardyń jalpy kóleminiń 44,9%-yn quraıdy.Naqty sektor shyǵystary 15,6 mlrd. teńgege ulǵaıtylǵan jáne 2,2 trln. teńgeni quraıdy.Jylytý maýsymyn úzdiksiz ótkizýdi qamtamasyz etý, jylýmen jabdyqtaý obektilerin jylytý kezeńine daıyndaý úshin, sondaı-aq basqa da kezek kúttirmeıtin máselelerdi sheshý maqsatynda Úkimettiń kezek kúttirmeıtin shyǵyndarǵa arnalǵan rezervi 61,8 mlrd. teńgege ulǵaıtylǵan.
Zań jobasyn talqylaý barysynda senatorlar O.Perepechına, Ǵ.Dúısembaev, N.Qylyshbaev, E.Muqaev jáne B.Shelpekov bıýdjetti naqtylaý jónindegi birqatar usynystar aıtty.
Zań jobasy Palatanyń qaraýyna jiberildi.
