«Atameken» QR UKP Basqarýshy dırektory-jappaı kásipkerlik jáne mıkro qarjylandyrý departamentiniń dırektory Baýyrjan Orazǵalıev: «Kásip túbi-násip» jobasy sheńberinde kásipkerlerdiń, Jańaózen turǵyndarynyń, jastarynyń usynystary qoldaý tabady. Túıtkildi máselelerdi birlesip sheshýge at salysatyn bolamyz. Mundaı dóńgelek ústeldi aldaǵy ýaqytta da uıymdastyramyz. О́ıtkeni, munaıly shahar turǵyndaryn tolǵandyratyn suraqtar azaısa, jumyssyzdyqpen kúresý sharalary oń nátıjesin berse, kásipkerlerdiń isi ońǵa bassa - bizdiń kózdegen múddemizdiń naqty oryndalǵany dep túsinemiz», deıdi.
Basqosýda sóz alǵan Jańaózen qalalyq jastar resýrstary ortalyǵynyń mamany Muhammed Baqytjannyń aıtýynsha, jergilikti jastarǵa kóbinese robototehnıka, IT mamandyqtary boıynsha bilim berilip jatyr. Qazirgi qoǵamnyń talaby osyndaı. Sondyqtan da burynǵysha eski tizimde bekitilgen mamandyqtarǵa emes, naryqqa qajetti, suranysqa ıe mamandardy daıarlaýdy usyndy.
Jańa joba aıasynda Jańaózen qalasynan 10 oqý ortalyǵyn ashý josparlanyp otyr.
- Iri kásiporyndarǵa oqý ortalyǵyn birlesip ashý týraly túsinik jumystaryn júrgizýdemiz. Qaladaǵy kolledj basshylaryna qysqa merzimdi oqytý kýrstary, suranysqa ıe mamandyqtar jaıly usynysymyzdy berdik. Jumyspen qamtý bólimderine jastarǵa qolaıly oqý ortalyqtaryn ashý týraly áńgime júrgizildi, deıdi MO kásipkerler palatasynyń adamı kapıtaldy damytý bóliminiń 1-dárejeli sarapshysy Rýslan Bısekenov.
Dóńgelek ústelden soń jańa jobanyń jumys toby Jańaózen qalasynyń ortalyq bazarlaryn aralap shyqty. Onda saýda jasaýshylarǵa jobanyń tıimdiligi túsindirilip, kásipkerler palatasy usynatyn qyzmetter qatary aıtyldy. Dúken ıelerin nesıe alý, bıznesti keńeıtý, ákimshilik kedergiler kezdesken jaǵdaıda kásipkerler quqyn qorǵaý, kýrstarda oqý máseleleri qyzyqtyrdy.
Sonan soń jumys toby «Jańaózen» saýda ortalyǵyna bardy. Saýda úıine kelýshiler men kásipkerlerdi nesıe alý, burynǵy qaryzdarynan qutylý joldary, kepildik zat mólsheri, kásipkerlerdiń quqyqtyq saýattylyǵyn kóterý syndy máseleler kóbirek tolǵandyratyn bolyp shyqty. Jumys tobynyń bilikti mamandary usynystardyń barlyǵyn jınap, alda júzege asatyn is josparǵa engizetin bolady.
Mańǵystaý oblysy
