Jańa temir tulpardyń ekeýi oblystyq sanıtarlyq avıasııaǵa qyzmet kórsetetin bolady, al qalǵan 6 kólik aýdandarǵa úlestiriledi. Atap aıtqanda, Beıneý aýdanyna – 1, Boranqul aýylyna – 1, Munaıly aýdanyna – 2, Mańǵystaý aýdanyna – 1, Aqshuqyr aýylyna – 1.
Jedel járdem kólikteri Densaýlyq saqtaý mınıstrligimen bekitilgen standarttarǵa saı jáne zamanaýı qurylǵylarymen jabdyqtalǵan. Jańa avtokólikter naýqasqa alǵashqy kómek kórsetýge arnalǵan barlyq qajetti quraldarmen tolyqtaı qamtamasyz etilgen.
Saltanatty sharada sóz alǵan aımaq basshysynyń orynbasary Qanybek Bekbolatuly óńirimizde densaýlyq saqtaý salasyna erekshe kóńil bólinedi dep sendirdi. Alda oblystyq jedel jáne shuǵyl medısınalyq járdem stansııasy 50 sý jańa avtokólikpen qosymsha tolyǵady dep kútilýde.
Mańǵystaý oblysy
