«Bıyl 14 qazan kúni Varshavada (Polsha) IATA Jolaýshy tasymaldaý standarttary jóninde (Passenger Standards Meeting) otyrys ótti. Oǵan IATA-nyń barlyq múshesi qatysty. Sharada Qazaqstannyń IATA-nyń №763 Qararyna ózgertýler engizý jónindegi bastamasy qoldaý tapty. Bul Nur-Sultan áýejaıynyń úsh áripten turatyn kodyn (TSE) ózgertýge múmkindik beredi», - delingen habarlamada.
Mınıstrliktiń málimetine sáıkes, Qazaqstan astanasy áýejaıynyń jańa kodyna birneshe nusqa usynylǵan. Sońǵy nusqa talqylanyp jatyr.
«763-qararǵa ózgertý engizý biraz ýaqytty qajet etedi. Mınıstrliktiń málimdeýinshe, ózgerister 2020 jyldyń qańtarynda kúshine enýi qajet. Sodan keıin IATA kodtyń sońǵy nusqasyn bekitedi», delingen mınıstrlik taratqan aqparatta.
