Holdıngtiń baspasóz qyzmetiniń habarlaýynsha, ken quramyndaǵy mystyń ortasha mólsheri 0,91 paıyzdy quraıdy, bul da josparlanǵan mejeden 1,8 paıyz joǵary.
– 2019 jyldyń 9 aıynda «Qazaqmystyń» baıytý fabrıkalary 22,8 mıllıon tonna kendi óńdedi. Byltyr osy kezeńde 22,5 mıllıon tonna ken óńdelgen bolatyn. Iаǵnı, bıylǵy jumys kólemi 368 myń tonnaǵa artyq, – deıdi kompanııanyń baspasóz qyzmeti.
Holdıngtiń dırektorlar keńesiniń tóraǵasy Edýard Ogaıdyń aıtýynsha, jyl sońyna deıin bıylǵy jospardy asyra oryndaý josparlanyp otyr.
– Byltyrǵy kórsetkishti de, bıylǵy jospardy da basyp ozamyz. Sebebi byltyr ekinshi rýdotermııalyq pesh iske qosyldy. Geologııalyq barlaý jumystaryn da jalǵastyramyz. Mys pen tústi metall kenishteri ashylatyn 5 bolashaǵy zor ýchaskede jumys istep jatyrmyz, – deıdi ol.
Aldaǵy ýaqytta kompanııa ken baıytýdyń búgingi tehnıkalyq talaptarǵa saı jańa deńgeıine kóshpek.
«Qazaqmys» elimizdegi tabıǵı resýrs óndirý jáne qaıta óńdeýmen aınalysatyn eń iri kompanııalardyń biri ekenin aıta keteıik. 13 kenishten ken óndiretin holdıng quramynda 4 ken baıytý fabrıkasy, 2 mys balqytý zaýyty men 2 kómir razrezi bar. Búginde «Qazaqmysta» 38 myńǵa tarta adam jumys isteıdi.
