Bul «Azamattarǵa arnalǵan úkimet» memlekettik korporasııasynyń Almaty qalasy boıynsha fılıaly men Qyzdar ýnıversıteti arasyndaǵy ózara yntymaqtastyq memorandýmy aıasynda iske asyrylyp otyr.
Ortalyqty fılıal dırektory Ǵalym Qarqynbaev pen ýnıversıtettiń oqý jáne oqý-ádistemelik jumystar jónindegi prorektory Erkin Jumanqulova saltanatty túrde ashty.
Aldaǵy ýaqytta atalǵan ortalyqta oqý ornynyń stýdentteri «bir tereze» qaǵıdasy boıynsha birneshe memlekettik qyzmetti paıdalana alady. Mundaǵy qyzmet júıesi tolyǵymen avtomattandyrylǵan. Stýdentter ýaqytyn únemdep qana qoımaı, mamandardan qajetti keńester alýǵa da qol jetkizbek.
Sonymen qatar eki jaqty tıimdi yntymaqtastyq kelisim boıynsha bilimgerler men qyzmetkerler tájirıbe almasýdan basqa ózge de memlekettik qyzmetterdi onlaın alý múmkindikteri týraly dárister men semınarlarǵa qatysýǵa múmkindik alady. Taraptar kadrlardy qaıta daıarlaýdy da júzege asyrýǵa nıetti.
–Sıfrlyq bolashaqqa qaraı qadam basý búgin úlken mańyzǵa ıe. Osy tarapta elimiz boıynsha aýqymdy jumystar júrgizilýde. Memorandým aıasynda iske asqan búgingi sharany sıfrlyq bolashaqty shynaıy etýge jasalǵan taǵy bir naqty qadam retinde qarastyramyz.Aldaǵy ýaqytta memlekettik qyzmetterdi onlaın alýdyń jańa múmkindikteri týraly bilim alǵannan keıin stýdentter nemese oqytýshylar memlekettik mekemelerge baryp, ýaqyttaryn joǵalpaıtyndyǵyna senimdimin, – deıdi Ǵalym Qarqynbaev.
Osy oraıda aıta keteıik, búginde «Azamattarǵa arnalǵan úkimet» memlekettik korporasııasy elimizdegi 12 joǵary oqý ornymen áriptestik ornatqan.
