Is-shara barysynda «Shadval» bı ansambli jáne Marına Baıramovnanyń oryndaýynda «Djıgıty» áni shyrqalyp, osetın etnomádenı ortalyǵynyń tóraıymy Bırkle Fatıma Mıhaılovna Kosta Levanovıch Hetagýrovtyń shyǵarmasynan úzindiler oqydy.
Kosta Hetagýrovtyń shyǵarmashylyq murasy óte jan-jaqty. Ol bir mezgilde aqyn jáne proza jazýshy, drammatýrg jáne qoǵam qaıratkeri boldy. Kórkem sóz ben qylqalamdy asqan sheberlikpen ıgergen Kosta bostandyq, halyqtardyń dostyǵy men teńdigin nasıhattaı otyryp, bısharalyq halge túsken taý halyqtarynyń múddesin qorǵady.
Atalmysh is-sharaǵa Reseı Federasııasynyń Oral qalasyndaǵy bas Konsýldyǵynyń vıse-konsýly Volkov Vladımır, Aqtaý qalasy ákiminiń orynbasary Gúljazıra Aldasheva, osetın etnomádenı ortalyǵynyń ókilderi, oblystyq Qazaqstan halqy Assambleıasynyń hatshylyq meńgerýshisi Ismýrzına Gúljan, óńirlik etnomádenı birlestik ókilderi, stýdentter qatysty.
Reseı Federasııasynyń Oral qalasyndaǵy bas Konsýldyǵynyń vıse-konsýly Volkov Vladımır atalmysh mereıtomen quttyqtap, osetın etnomádenı ortalyǵynyń ókilderi Habýlova Margarıta jáne Dzagahova Olga «Osetın Joǵarǵy keńesi» halyqaralyq qoǵamdyq qozǵalysy atynan «Qurmet qaǵazymen» marapattap, gúl shoqtaryn tabystady.
Is-shara ary qaraı konserttik baǵdarlamamen jalǵasty.
