Áleýmettik bastamalar qoldaý tapty

Atalǵan joba boıynsha elimizdiń barlyq óńirinen jastar ózderi turatyn aýdannyń nemese aýyl-aımaqtyń tynys-tirshiligine ózgeris alyp kelýge tyrysqan eken. Qatysýshylar kóshe sportyna arnalǵan alań­dy jabdyqtaý, jańa aıaldama turǵyzý, qoqys tastaıtyn já­shikter ornatý, aýyl alleıa­syna jaryq tartý sııaqty óz aýlasyna qajetti túrli ýr­­ba­nıstıkalyq sheshimderdi usynǵan. Nátı­jesinde 600 jastyń 100 jobasyna shaǵyn grant beriletin boldy. Atalǵan jobany uıymdastyrýǵa Aza­mattyq bastamalardy qol­daý ortalyǵy men Jastar qyzmet­kerler qaýymdastyǵy atsalys­ty.

«Bul jobada biz eki maq­satty kóz­deımiz. Birinshisi qyz­metker jas­tardyń quzy­rettiligin arttyrý bolsa, al ekin­shisi – jastardyń áleý­mettik jobalaryna qoldaý kór­setý. Shilde aıynda 600 jasty iriktep aldyq. Olar 5-6 ki­shigirim toptarmen óz joba­laryn da­ıyn­dady. Biz jas­tardyń azamattyq us­­ta­nymyn damytyp, ózderi turyp jat­qan jergilikti mekenderdegi áleý­mettik, ekologııalyq máse­le­ler­di baıqap, sheshim­de­rin usynǵanyn kózdedik. Osy­­laı­sha toptar óńirlerdegi tálim­ger­lerimen birge ózderin qorshaǵan ortaǵa qandaı da bir ózgeris alyp kelýge tyrysty», dedi Jastar qyzmetkerler qaýym­dastyǵynyń ókili Aıdar Hamıt.  

Jalpy, joba eki baǵytta júzege asy­ryldy. Uıymdastyrýshylar eń úzdik áleýmettik bastamalardy irik­tep qana qoımaı, barlyq óńir­den qatysýshylarǵa óz bastamalaryn daıyn­daýǵa kómektesip, baǵyt-baǵ­dar bergen tálimgerlerdi de daıar­laǵan. Nátıjesinde barlyǵy 68 jas­­tar isi jónindegi qyzmetkerler tań­­­­dalyp, arnaıy oqytýdan ótti. Tálim­­gerlerdiń biri Aqtóbe oblystyq Jastar resýrstyq ortalyǵynyń basshysy Gúlnár Kabıevanyń aıtýynsha, qatysýshylardy aýyl jastary men­ jumyssyzdar qatarynan tań­daý­ǵa ty­­rysqan. «Respýblıka boıyn­sha tálim­ger­lerge irikteý boldy. Jastar­men tike­leı jumys istegendikten qyzyǵý­shylyq ta­nytyp, ótinim berdim. Oqý úsh túr­li kezeńde júzege asty. Aqtóbe oblysy bo­ıynsha tańdalǵan 5 tálimgerdiń biri bol­dym. Bizdiń óńirde irikteýden ótken 72 jas qatysýshy bar, olardan 14 top quradyq. Meniń jetekshiligimde bolǵan úsh top daıyndaǵan jobalar grant ıelendi», dedi G. Kabıeva.

Aqtóbe oblysy Áıteke bı aýda­ny­nyń Qaraqudyq aýylynyń qaty­sýshylary fýtbol alańyn salýdy usynǵan. Tálimgerdiń aıtýynsha, olar jergilikti ákimshilikpen baılanysyp, aýmaǵy men jer telimi boıynsha kelisip qoıǵan, endi tek grantty kútip otyr. Qatysýshylar osylaısha aýyl balalarynyń bos ýa­qytyn paıdaly ótkizýi men sportpen shu­ǵyldaný máselesin sheshýdi kózdeıdi. Yr­ǵyz aýdanynan qatysyp jatqan ózge eki top jeńip alǵan qarajatyn U.Qulymbetov atyndaǵy saıabaqty jón­deýge jumsamaq. Bir top saıabaqtyń ishin­degi tozǵan oryndyqtardy retke kel­tirip, qoqys jáshikterin ornatýdy jáne saıabaqty abattandyrýdy qolǵa alǵysy keledi. Al ekinshisi saıabaq janynan dene shynyqtyrýǵa, jattyǵýǵa arnalǵan sport alańyn jasaqtaýdy qolǵa alyp otyr. Osylaısha jastar aýdan turǵyndaryna jańa demalys ornyn syılamaq. «Jyl sońynda ótetin festıvalde 100 jobanyń ishinen úzdik atanǵandarynyń avtorlary marapattalady. Al biz tálimger retinde jobamyz úzdikter qataryna ilikse qýanar edik. Sondaı-aq joba ári qaraı jalǵasyn tapsa jastar men óńirler úshin paıdaly bolmaq. Kelesi Volonterler jylynda da ónimdi jobalardy júzege asyramyz dep senemiz», dedi Aqtóbe oblystyq Jastar resýrstyq ortalyǵynyń basshysy G.Kabıeva. 

Al Jambyl oblysynan kelgen tá­limger, Baızaq aýdany Jastar resýrs­tyq ortalyǵynyń qyzmetkeri Nurjan Esir­genov jobaǵa tájirıbe jınap, men­torlyq, trenerlik daǵdylaryn damytý úshin qatysýǵa nıet bildiripti. «Jambyl oblysynan usynylǵan 8 jobanyń 6-y sońǵy kezeńge ótip grant utyp aldy. Men osy jeńiske jetken 6 jobanyń bar­lyǵynyń basy-qasynda bolyp, jas­tarǵa múmkindiginshe kó­mektesýge tyrystym», deıdi ol. Jo­balardyń barlyǵy Baızaq aýdanynda qarasha aıynyń sońyna deıin júzege asyrylýy tıis. Aýdandaǵy taýly aımaqtardyń birinde turatyn balalar mektepke basqa aýylǵa avtobýspen barady eken, alaıda halyqaralyq mańyzdy jol boıynda jáne temir jol torabynda ornalasqan Úshbulaq aýylynda aıal­dama joq. Sol aýyldyń balalary oqýshylar úshin jańa aıaldama turǵyzyp bermek. Tálimgerdiń aıtýynsha, taǵy eki joba basqa aýyl­darǵa tasymaldanyp oqıtyn shalǵaı aýyldardyń balalaryna arnap mektep janynan aıaldama salýdy kózdeıdi. Jobalar arasynda týǵan aýylyn kór­keıtip, saıabaǵyn retke keltiretin taǵy eki joba bar eken. Sondaı-aq eko­logııalyq máseleni sheshýge baǵyt­t­al­ǵan «Qolshatyrǵa qoqys sal» jobasy arqyly qatysýshylar qoqys jáshikterin erekshe qolshatyr pishinde jasap, balalardy jaqsy ádetke osylaısha qyzyqtyrýǵa tyrysypty.

Qyzylorda oblysy Qarmaqshy aýdany Jastar resýrstyq ortaly­ǵynyń bas­shysy Ádil Ybrahım jobanyń aýyl­dyq mekenderdi ózg­er­týge jastarǵa múm­kindik berýi qyzyq­tyrǵanyn aıtady. Son­daı-aq  joba res­pýblıkadaǵy jastar isi salasynda qyzmet­ etetin jas­tardyń bilik­tigin arttyrýdy maqsat etýimen erek­she deıdi ol. Bul barlyq aımaqtaǵy árip­testerdiń tanysyp-bilisýine jáne ózara tájirıbe almasýyna taptyrmas alańǵa aınalǵan. Qyzylorda oblysynan jalpy 7 joba jeńimpaz atanǵan. Onyń biri Shıeli aýdanynda plastık qaldyqtaryn qaıta óńdeıtin mekeme salýdy kózdeıdi. Tálimgerdiń aıtýynsha, bul jobadan utyp alǵan shaǵyn grant keıbir qatysýshylardyń úlken bastamalaryna jol ashatyn bastapqy ınvestısııa, jobany júzege asyrý barysynda qatysýshylar ózge qarajat kózin tartýǵa quqyly. Taǵy bir basta­mada qatysýshylar osy Shıeli aýda­nynda veloturaq jasaýdy qolǵa almaq kórinedi. Al Qarmaqshy aýdany Birlik aýylynyń jastary ortalyqta eskirgen sport alańyn qaıta jóndeýge qarajat surasa, Tómenaryq aýylynyń jas­ta­ry kóshe sportyna arnalǵan alań soq­qylary keledi. Jeńiske jetken kelesi bir joba boıynsha Jańaqorǵan ken­tiniń ózinde ortalyq alańda 50 metr­lik jaryq shamdar ornatylady. Uıym­dastyrýshylardyń aıtýynsha, grant utyp alǵan jobalardyń ereksheligi – bastamalarda jeke bas­tyń múddesinen qoǵamnyń múddesi joǵary qoıylǵan. Bul jobalardyń jú­zege asýy jergilikti turǵyndardyń ıgi­ligi úshin ǵana emes, tý­ǵan jerin jaqsartýǵa tıtteı de bir ózgeris alyp kelgenin sezinetin jastar úshin jáne osylaısha aınalańdy ózgertý óz qo­lyńda ekenin túsinetin keıingi urpaq úshin mańyzdy.