Elimizdiń erteńi - jas urpaqty tárbıeleýde, bilim berý mekemesiniń róli erekshe ekendigi sózsiz. Qazaqta «Atańnan mal qalǵansha, tal qalsyn» degen sóz bar. Bilim ordasynyń aýlasyn taza ustaý men kógaldandyrýdy júıelendirý maqsatynda osyndaı sharalardy ótkizýdiń tárbıelik máni zor.
-Qazaqta «Tárbıe – tal besikten» degen qanatty sóz bar. Balany osy bastan qorshaǵan ortany aıalaı bilýge baýlýymyz kerek. Bul - tek qana bilim ordasynyń ǵana mindeti emes, ata-ananyń da paryzy. Osyndaı sharalar jıi ótkizilip tursa, oqýshylar qorshaǵan ortany tanyp-biletin bolady. Bizdiń mektepte tabıǵatty qorǵaý týraly kóp aıtylady. Jalpy ortamyzda belsendi oqýshylardyń kóptigi qýantady, deıdi Bekes О́mirhanuly.
Oqýshylar otyrǵyzylǵan kóshetterdiń jaıqalyp ósýi úshin, baptaýdy da úırenýde. Osylaısha bilim ordasynyń aınalasyn taza ustaý arqyly qorshaǵan ortany tereńirek tanýǵa nıetti. Jalpy kez-kelgen bilim ordasynyń jetistigi óz isine jaýapty, bilimdi, uıymdastyrýshylyq qabileti joǵary, isker basshyǵa baılanysty ekendigi sózsiz. Bul rette mektep dırektorynyń eńbegi orasan ekendigin aıta ketken jón.
Mektep ishinde «Biz jáne ekologııa» stendi de ornalasqan. «Tulpar» balalar shyǵarmashylyq klýbynda birneshe úıirme bar. Onda oqýshylar dombyra stýdııasy, rıtorıka, fantazery, kvllıng, ashıhara-karate, English club úıirmelerine tegin qatysady. Sondaı-aq, mektep aýlasynda «Olympus» akademııa baleti jáne gımnastıka zaly jumys jasap tur. Sabaqtan soń balalar fýtbol alańynda dop tepkendi unatady, basketbolmen de aınalysatyn jastar az emes.
Aıta ketý kerek, mektep oqýshylary túrli saıystar, olımpıadalar, sporttyq jarystar, mádenı-saýyqtyrý sharalarynan tys qalmaı, bıik belesterdi baǵyndyryp júr. Mektep aýlasyn kógaldandyrý men tazalaý jumystary áli jalǵasyn tappaq.
