«Anti Corruption Lab» sybaılas jemqorlyqqa qarsy sheberhana respýblıkamyzdyń 7 qalasynda ótkizilýde. Sheberhananyń mindeti azamattarǵa sybaılas jemqorlyqqa qarsy kúres quraldaryn úıretý bolsa, maqsaty - quqyqtyq mádenıetti qalyptastyrý, sybaılas jemqorlyqqa qarsy is-qımyl maqsatynda qatysýshylar men belsendi azamattardy tájirıbelik daǵdylarǵa úıretý.
Sheberhananyń jumysyna Sybaılas jemqorlyqqa qarsy is-qımyl Agenttiginiń Mańǵystaý oblysy boıynsha departamentiniń mamandary, Arnaıy monıtorıngtik tobynyń músheleri, qoǵamdyq uıymdardyń ókilderi, jas jáne belsendi azamattar qatysyp, Ashyq úkimet portalynyń komponentteri, Memlekettik satyp alý portaly jáne ashyq derekter kózderi boıynsha praktıkalyq keńester aldy.
Tájirıbeli jattyqtyrýshylar men sybaılas jemqorlyqqa qarsy sheberhana sarapshylary qatysýshylardy zańnamalyq aktilermen, praktıkalyq daǵdylarmen tanystyrdy, sondaı-aq sybaılas jemqorlyqqa qarsy is-qımylǵa qoǵamdyq qatysý tetikterin usyndy.
