Ata jolyn jalǵaǵan

Mine, sol balań arman aldamapty. Arman men Azamat aqyry polısııa ata­nyp, Dıhanbaevtar áýletiniń dara jo­lyn jalǵady. Búginde ata amanatyn arqalaǵan Ámirhannyń uly Arman Dı­han­baev – aǵa tergeýshi, jedel ýákil, qar­jy polısııasynyń polıseıi, shtab bas­­qarmasynyń orynbasary sekildi qyz­metterdi atqarǵan bedeldi polıseı. Al áýlettiń tórtinshi polıseıi Azamat Dı­hanbaev – qazirgi tańda Saryaǵash aýdan­dyq polısııa basqarmasynyń kóshi-qon qyzmetiniń ınspektory. Maıor shen­di Azamat – atasy Tohtanyń, ákesi Ámir­han­nyń, aǵasy Armannyń izbasary.

Ol ákesi Ámirhannyń «qylmysker po­lısııadan qorqýy tıis, sebebi ol aza­mat­tar­dyń qaýipsizdigine jaýapty birden-bir adam» degen sózderin únemi esinde saqtap júretinin aıtady.

Bala kúninde ózderine jumbaq bul sala­nyń arǵy atalarynan beri ónip-ósken osy áýletke mura bolyp kele jatqandyǵyn maq­tan tutady.

Áńgimemizge sheginis jasap baıandar bolsaq, Dıhanbaevtar áýletinde bes birdeı azamat ata jolyn jalǵastyryp keledi. Osy aýyldyń úlkeni Tohta aqsa­qal sonaý sum soǵys ýyn sepken jyldarda ishki ister organyna qabyldanyp, Otannyń amandyǵy úshin birshama irgeli is atqarypty. О́mir derekterine úńilsek, quqyq qorǵaý salasynda birtalaı qyzmettiń qulaǵyn ustap, jemisti eńbek etipti.

Búgingi tańda Tohta Dıhanbaev – qur­metti eńbek dema­lysynda. Eńbegi ele­nip, beınetiniń zeı­netin kórgen zerdeli zeınetker búginde ulys­tyń ulaǵatyn nemerelerine aıtýdan jalyq­paıtyn aqyly tolysqan abyz, ul-qyz­daryn bar meıirimimen mápelep ósirgen asqar taý ata atanyp otyr.

Tohtadan týǵan ul da saqshylyq joldy tańdapty. El ishin daýdan, kópshilikti ury-qary, jaýdan qorǵaımyn dep sert etken Ámirhan ata Dıhanbaev ta osy salada uzaq jyldar eńbek etken. Búginde esimi óńirde qurmetpen atalyp júrgen óz isiniń sheberi. Ámirhan atamyz 1970 jyly Qaraǵandydaǵy IIM-niń joǵary mek­tebinde bilimin shyńdap, 1974 jyly eń­bek jolyn Saryaǵash aýdandyq ishki ister bóliminde jedel ýákil bolyp bastapty. Bala kúnnen ákesine elik­tep ósken ul onyń salǵan jolyn jal­ǵas­tyrypty. Qyzmet barysynda júk­tel­gen tapsyrmalardy tııanaqty oryndap, qaýipti qyzmetinde qyraǵylyǵymen ta­nyl­ǵan. Ámirhannyń ýaqyt ótken saıyn tájirıbesi de tolysyp, Qazyǵurt, Saryaǵash aýdandyq polısııa bólimderinde bilik­ti basshy atanypty.

Ámirhan – qazirgi ýaqytta qurmetti eńbek demalysynda. Jubaıy Kúlparshyn ekeýi Arman, Azamat, Asqar jáne Áıgerim atty qyzdy mápelep ósirip otyr. Jeteli ul-qyzdary atasy men ákesine qarap boı túzep­ti.

Áýletimen osy salaǵa mahabbaty berik Ámirhannyń aǵasy Temirhan da polısııa qyzmetinde polkovnık shenin alǵan, bir­qatar aýdanda basshylyq qyzmetterde bol­ǵan azamat. Alaıda ardaqty azamat dúnıe­den erte ozypty.

Zerdelep qarar bolsańyz, Dı­han­baev­tar áýletimen polıseı maman­dy­ǵy egiz uǵymǵa aınalyp ketkendeı. Sa­ryaǵash óńirinde quqyq qorǵaý salasyn­da eńbek etken kez kelgen azamattan «Dıhanbaevtardyń dınastııasy» jaıly surar bolsańyz, tek jaq­sy, jyly áńgi­me­lerdiń tıegin aǵyta beretindigi osydan bolsa kerek.

Anyǵynda, bir áýletten tórt birdeı polısııa qyzmetkerleriniń shyǵýy – sırek kezdesetin jaǵdaı. Sebebi adam balasynyń arman-muraty óz otbasynda qalyptasady. Dana qazaq «Ataǵa qarap, ul óser...» dep te­ginnen-tegin aıtpasa kerek. О́ıtkeni, ot­ba­­syndaǵy bala áke-shesheniń úlgi-ónege­sin kórip ósedi. Bul turǵydan alǵanda, Dıhanbaevtar baqyty tasqan áýlet deýimizge tolyq negiz bar.

Al túzde tyndyrymdy eńbek etken er azamattyń otbasy, oshaq qasynda aqyldy da ıbaly áıel turatyndyǵy belgili. Bul rette Azamat Dıhanbaevtyń jan jary Marjannyń aıtýynsha, áıel árqashan erin syılap, onyń qyzmetine qurmetpen qaraýy kerek. Bir sózben alańsyz eńbek etýi úshin otbasyna alań kóńil bolmaýy tıis. «Allaǵa shúkirshilik etemin, otbasymyzda aqyly men keńesin únemi bizge aıtyp, týra jolǵa salyp otyratyn ata-anamyz bar. О́sirip otyrǵan balalarymyzdyń qarnynyń toqtyǵy, kıiminiń bútindigi – erim Azamattyń arqasy», deıdi polıseıdiń jary.

Bir qyzyǵy, osyndaı esti sóz aıtyp, aza­matyn tóbesine kótergen tórt búl­dir­shin­niń anasy Marjannyń ákesi Abdýl­la aǵamyz da ishki ister organdarynda eleý­li eńbek sińirgen polıseı eken.

ShYMKENT