«Hakaton – baǵdarlamalyq qamsyzdandyrýdy jasaqtaýdyń ártúrli salalarynan jınalǵan mamandardyń qandaı da bir problemany sheshý maqsatymen birigip jumys isteýin bildiredi. Bizdiń bul jolǵy basty mindetimiz – múmkindigi shekteýli jandardyń aldynda týyndaıtyn máselelerdi sheshýdiń zamanaýı joldaryn tabý. Mundaı jıyn Qyzyljar óńirinde birinshi ret qolǵa alynyp otyr», deıdi Nur-Sultan qalasynan arnaıy kelgen «ITeachMe» jobasynyń avtory Zahıra Begálıeva.
«ITeachMe» jobasy osydan 10 aı buryn qolǵa alynyp, alǵashqy hakaton Oral qalasynda ótipti. Sodan beri qatysýǵa ynta bildirýshiler qatarynyń artqany baıqalady.
Almatylyq Sergeı Shevchenko – «IteachMe» jobasy aıasynda ótken alǵashqy hakatonnyń jeńimpazy. Tapqyr jigit múmkindigi shekteýli jandarǵa arnalǵan onlaın jáne offlaın kýrstaryn usynyp, grant utyp alǵan. Talapty jastyń bastamasy úlken qoldaýǵa ıe.
– «IteachMe» jobasynyń bir baǵyty múgedek jandardyń turmysyn jaqsartýdy ditteıdi. Petropavldyq Sálimhan Sábıtov múmkindigi shekteýli jandarǵa arnap avtomektep ashypty. Qazirgi ýaqytta joba sátti júzege asyrylyp jatyr. Ol búgin hakatonǵa ozyq jobalarǵa qoldaý bildirý úshin kelipti. «Ravnaıa doroga» avtomektebi» JShS-i dırektorynyń sózine qaraǵanda, avtomektepte 17 túlek oqıdy. Olardyń 2-ýi kólik júrgizýdi meńgeripti.
«IteachMe» jobasy aıasyndaǵy hakatonnyń jeńimpazdary kelesi jyly qańtar aıynda Býrabaıda ótetin baıqaýǵa qatysady. Onda IT-salada jumys istep júrgen kásibı mamandardan tájirıbe jınaqtap, ázirlegen jobalaryn qorǵaıtyn bolady. Ozyq bastamalarǵa 1 mln. teńge kóleminde grant beriledi.
Soltústik Qazaqstan oblysy
