Konferensııaǵa alashtanýshy ǵalymdar Tursyn Jurtbaı, Sultanhan Aqquly keldi. Sonymen qatar Myrzaǵazy Esbolovtyń Qazaqstanda, Reseıde turatyn urpaqtary qatysty. Basty baıandamany Tursyn Jurtbaı jasady. Ol Myrzaǵazyny aqtaýdaǵy, jalpy Alash tarıhyna baılanysty túıtkilder jóninde áńgimeledi.
«Ǵasyr basynda Peterbýrgte ótken quryltaıda qazaq jerine Reseıden qonys aýdarýshylardy qonystandyrý jóninde másele qaralady. Sonda máseleni shirkeý kóteredi. О́ıtkeni qazaqtardy jappaı shoqyndyrýǵa daıyndyq júrip jatqan. Shirkeý ókili qazaq jerindegi úsh adamnyń ekeýi orys bolatyndaı etip kóshirý kerektigin aıtady. Sonda Myrzaǵazy sóılep, buǵan qarsy shyǵady, dáleldi pikirlerimen betin qaıtarady», dedi Tursyn Jurtbaı.
Konferensııada akademık Jumataı Álıev, Sultanhan Aqquly baıandama jasady, Myrzaǵazynyń urpaqtary sóılep, Alash ardaqtysynyń oralýyna qýanyshyn bildirdi, derekter aıtty. Konferensııa qararynda Myrzaǵazynyń esimin este qaldyrý, onyń Táýelsizdik jolyndaǵy kúreskerligin jas urpaqqa nasıhattaý úshin onyń atyn mektepke, kóshege berý jóninde usynystar engizildi. Tústen keıin konferensııa seksııalarda jalǵasatyn bolady.
Qostanaı
