Aıta keteıik, búgin Batys Qazaqstan oblystyq Polısııa departamenti Aqjaıyq aýdanyna qarasty Janama aýylynan 5 jáne 2 jasar qos sábıdiń joǵalyp ketkendigi týraly oqys habar taratqan bolatyn.
Oqıǵa 24 qazan kúni tústen keıin bolǵan. Joǵalǵan balalardyń anasynyń aıtýynsha, aýlada oınap júrgen uldaryn syrtynan baqylap qoıyp, úı sharýasymen aınalysyp júrgen ol saǵat 15.00 shamasynda balalardyń joq ekenin baıqaıdy. Áýeli úıi men qora-qopsy mańynan izdep, tappaǵan soń aǵaıyn-týysy men kórshilerine habar bergen. Esh nátıje bolmaǵan soń keshki 20.30-da Taıpaq polısııa bólimine habarlaǵan.
Oqıǵadan habar alǵan soń Taıpaq pen Aqjaıyq aýdandyq polısııa bólimi qyzmetkerleri dereý izdestirý sharalaryna kirisken. Batys Qazaqstan oblystyq Polısııa departamenti bastyǵynyń jedel izdestirý máseleleri boıynsha orynbasary polısııa polkovnıgi A.Meńdiǵalın 24-qazan kúni túnde, al departament bastyǵy general-maıor M.Ábilázımovtyń ózi 25-i kúni tańmen oqıǵa ornyna barǵany. Iske 100-ge jýyq polısııa qyzmetkeri, arnaýly jasaq ókilderi, qutqarýshylar, aýyldyń júzdegen turǵyny jumylǵan.
Polısııa qurylymdary joǵalǵan eki sábı – Orynbasar Beksultan Asqaruly (02.10.2014 j.t.) men Orynbasar Nurıslam Asqarulyna (23.11.2017j.t.) izdeý jarııalady. Jýrnalıster, qarapaıym turǵyndar áleýmettik jeliler arqyly habar taratyp, qos sábıdiń aman-esen tabylýyn tilep jatty.
- Balalardyń ata-anasy oǵash qylyǵy joq, qarapaıym aýyl turǵyndary. Otbasynda osy eki uly ǵana. Uldardyń ákesi Asqar Sarytoǵaı aýyldyq okrýginde operator bolyp qyzmet etse, anasy bala kútimine baılanysty úı sharýasynda bolǵan, - dep habarlady BQO Polısııa departamenti baspasóz qyzmetiniń jetekshisi Bolatbek Belgibekov.
Aıta keteıik, Aqjaıyq aýyly, Sarytoǵaı aýyldyq okrýgine qarasty Janama aýylynda 166 úı, 1042 turǵyn bar. Aýyldan 1 km qashyqta Qarasý arnasy bar, 4 shaqyrymdaı jerde Jaıyq ózeni aǵyp ótedi. Izdeý jumysyna qutqarý jasaǵynyń ıisshil eki ıti, súńgýirler toby qosylǵan. Oqıǵa bolǵan jerde uıaly baılanys jelisi nasharlyǵy izdestirý jumysyna kedergi keltirgen.
Joǵalǵan sábılerdi izdeý jumysy túni boıy toqtaǵan joq. Oqys oqıǵaǵa oraı Batys Qazaqstan oblystyq Polısııa departamenti bastyǵynyń birinshi orynbasary S.Súıinbaev, Batys Qazaqstan oblystyq Tótenshe jaǵdaılar departamenti bólim bastyǵy Maksım Haırekenov, Batys Qazaqstan oblystyq Tótenshe jaǵdaılar departamenti Jedel qutqarý jasaǵynyń basshysy A.Qylyshev baspasóz máslıhatyn ótkizip, jýrnalısterge sońǵy málimetterdi jarııa etti. О́kinishke qaraı, súńgýirler Qarasý ańǵarynan 2014 jyly týǵan Beksultannyń denesin taýypty. Ekinshi sábı áli izdestirilý ústinde.
Batys Qazaqstan
