Atalmysh jobanyń tehnıkalyq-ekonomıkalyq negizdemesi osy ýaqytqa deıin tehnıkalyq sý shyǵarý boıynsha daıyndalsa, endi aýyz sýyn tushytý boıynsha qaıta jandanatyn bolady.
Eske sala keteıik, osy jyldyń qyrkúıek aıynda Premer Mınıstr Asqar Mamınniń tóraǵalyǵymen Jańaózendi damytýdyń keshendi jospary boıynsha jıyn ótken bolatyn. Atalmysh basqosýda Úkimet basshysynyń Jańaózen qalasyndaǵy aýyz sý máselesin sheshý jóninde arnaıy tapsyrmasy boldy. Osyǵan oraı, «Kendirli demalys aımaǵynan qýaty táýligine 45-50 myń tekshe metr bolatyn sý tushytý zaýytyn salý» jobasy ázirlendi.
Jınalys kezinde taraptar zaýyt pen qubyrlardy ornalastyrýdyń birneshe nusqalaryn ortaǵa saldy.
- Merdiger mekeme «Qazaq munaı jáne gaz ǵylymı-zertteý jáne jobalaý ınstıtýty» AQ jobanyń tehnıkalyq-ekonomıkalyq negizdemesin sáýir aıynyń sońyna deıin ázirleıtinin aıtty. Sodan keıin, jobany úılestirýshi mekeme «QazMunaıGaz» UK» AQ atynan áleýetti ınvestorlarmen kelissózder júrgizip, zaýyttyń naqty qýatyn anyqtap, qurylys jumystaryn eń qysqa merzimde aıaqtaımyz dep otyrmyz, dedi «QazMunaıGaz» UK» AQ munaı tasymaldaý boıynsha basqarýshy dırektory Nurtas Shmanov.
