О́zekti saýal, ótkir syn

Taldyqorǵan qalasynda jurt­shylyqpen kezdesken Memleket basshysynyń kómekshisi «Nur Otan» partııasynyń oblystyq fılıalynda qoǵamdyq qabyldaý ótkizdi.

–Kez kelgen máseleniń durys sheshimin taýyp, turǵyndarǵa tıim­­di bolýyna memlekettik bı­lik pen qoǵamdyq uıymdar bir­­les­kende ǵana qol jetkize ala­myz. Ol úshin kemshin túsip, ol­qy so­ǵyp jatqan máselelerdi ashyp jet­kizý – barshanyń basty min­deti. Iаǵnı, árbir turǵyn memle­kettiń durys damýyna jarııa­ly­lyqpen, ashyqtyqpen úles qosa alady. Elimizde osy baǵyt­taǵy sharalar qolǵa alynyp, árbir óńirde Qoǵamdyq keńes­ter­diń jumysy jandanýda. Eń bas­tysy, bılik pen qoǵamdyq uıym­dar birlese, keńese qadam bas­qanda ǵana jaqsy nátıjege qol jetkizetinin umytpaýymyz kerek. Meniń búgingi saparym da osyǵan negizdelgen, – dedi qoǵamdyq qabyldaý barysynda Aıda Ǵalymqyzy.

Jetisý turǵyndary ózderin alańdatqan máselelerdi ashyq aıtyp, tolǵandyrǵan saýaldarǵa jaýap izdedi. Prezıdenttiń kómekshisi – Prezıdent Ákimshiliginiń О́ti­nishterdi qaraýdy baqylaý bólimi meńgerýshisiniń qoǵamdyq qabyl­daýynda kóterilgen máse­leler birneshe baǵytty qam­tydy. Aıtylǵan pikirlerdi sal­maq­taı kelgende, óńirde jeke otba­sylyq jaǵdaıdan bastap, kúl­li jurtshylyqty alańdatqan bir­qatar ózekti máseleler bary aıtyldy. Ásirese qabyldaýǵa ja­zylǵan aýyl turǵyndary res­pýb­lıkalyq, oblystyq deńgeı­degi avtojol boıynda kisi óli­mi­niń jıi oryn alatynyna alańdaý­shylyq bildirdi. Al qala mańy tur­ǵyndary qorshaǵan ortany las­taǵan kásiporyndardyń beıqam­dy­ǵyna narazylyq bildirip, jer­gilikti atqarýshy bıliktiń dármen­sizdigine shaǵymdandy.

Sondaı-aq qoǵamdyq qa­byl­­daý kezinde turǵyndar aýdan or­­ta­lyqtaryndaǵy negizgi kóshe­ler­diń áli kúnge deıin asfalttal­maǵanyna nalyp, medısınalyq qyzmet kórsetý isinde olqy­lyq­tarǵa jol beriletindigin de jasyrmady. Negizinen aýyldyq óńirden kelgen turǵyndar zeı­net­kerlerdi emdeýdiń joldaryn júıelendirý kerektigin, ká­riz júıelerinen shyqqan ja­ǵymsyz ıistiń kórshilerdi mazalaıtynyn, júgeri ósirýshilerge beriletin sýbsıdııanyń tek ónim alǵan soń ǵana qolǵa tıetinin, aýyl­sharýashylyq tehnıkasyn lızıngpen alýdyń tıimsizdigin aıtsa, shaǵymdanýshylardyń bir toby KSRO kezinde jınaq kitap­shasynda jınaqtalǵan soma­lardyń qaıtarylmaı qalǵanyn, qylmystyq isti tergeýdi qol­ǵa alǵan tergeýshilerdiń jıi aýy­satynyn, sol arqyly shaǵym­da­nýshy aryzynyń aıaqsyz qala­tynyn jaıyp saldy.

Buqara tarapynan aıtylǵan máselelerdi saraptaı kele, aımaq turǵyndaryn alańdatqan birneshe jaǵdaı syn tezine alyndy. Olardyń qatarynda oblys boıynsha jumyssyzdyqtyń statıstıkalyq kórsetkishi naqty derektermen sáıkespeıtinin, múgedek balalardyń bilim alýy­na beriletin kómekter men múmkindikterdiń júıelenbegeni jaıynda suraqtar ótkir tur eken. Baspana kezegine qatysty daý-damaıdyń kóptigi men kóp balaly analardyń janaıqaıy da kezdesýde nazardan tys qalmady.

Qoǵamdyq qabyldaýǵa kelgen 106 adamnyń aryz-armanyn muqııat tyńdaǵan Aıda Ǵalym­qyzy jergilikti jerde sheshiletin máselelerge jaýapty laýazymdy sheneýnikterdi synǵa alyp, turǵyndar ótinishiniń barlyǵy Prezıdent Ákimshiligine jetki­ziletinin aıtty.

–Turǵyndar tarapynan aı­tyl­­ǵan tilekter men talaptar pro­tokolǵa kirgizildi. Soǵan baıla­nysty barlyq máselelerdi qa­jetti deńgeıde qarastyratyn sa­la­lardyń basshylaryna jetki­ze­min. Aıtylǵan barlyq máse­le zań aıasynda sheshiledi dep sene­min, – dedi qoǵamdyq qabyldaýdy qory­tyn­dylaǵan sózinde Qazaqstan Res­pýblıkasy Prezıdentiniń kó­mek­shisi – Prezıdent Ákimshi­li­gi­niń О́tinishterdi qaraýdy ba­qylaý bóliminiń meńgerýshisi A.Balaeva.

 Almaty oblysy