Qurmetti Qazaq eli!
Elbasy bastaǵan tarıhı kezeńdegi betburys baıandy bolsyn! Jańa jetistikter jaqsylyqqa jetelesin!
El Prezıdenti Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Joldaýy – eldiń saıası jańǵyrýyna jasalǵan sátti qadam.
Syndarly dıalog pen ashyqtyq – memleketti órkenıettilikke baǵyttaıtyn basty temirqazyq.
«Kúshti Prezıdent – yqpaldy Parlament – esep beretin Úkimet» saıası formýlasy men «Halyq únine qulaq asatyn memleket» tujyrymdamasy – memleket turaqtylyǵynyń irgetasy.
Bılik pen halyq arasyndaǵy altyn kópirge aınalǵan bul qujat – táýelsiz Qazaq eliniń kemeldi keleshekke degen kórkem senimi.
Qasıetti Jıdelibaısynda, Myrzashóldiń tórinde, altyn alqapty maqtanyń otany Maqtaaralda, jartyǵasyrlyq mereıtoıyn toılaǵaly otyrǵan Jetisaı qalasynda ornalasqan «Syrdarııa» ýnıversıteti zamanaýı suranysqa ıe, básekelestikke qabiletti, joǵary bilikti mamandar daıarlaıdy.
Bul oqý ordasy – kúngeılik jastardyń bilim kúmbezi. Al jastar – qoǵamnyń qozǵaýshy kúshi, eldiń tiregi, memlekettiń eń belsendi bóligi.
2020 jyldyń Volonter jyly bolyp jarııalanýy jastarǵa erekshe serpin syılady. Erikti túrde qaıyrymdylyq jasaý, ózgege sáýle syılaý – adamgershiliktiń eń asyl úlgisi.
«Syrdarııa» ýnıversıtetiniń professor-oqytýshylary men stýdentteri sizderdi Joldaýdy qoldaýǵa jáne belgilengen mindetter men is-sharalardy birlese atqarýǵa shaqyrady!
Uly dalanyń jańǵyrý men jańarý jolyndaǵy jańa belesterdi birge baǵyndyraıyq!
18.10.2019 jyl
Túrkistan oblysy,
Jetisaı qalasy,
«Syrdarııa» ýnıversıteti
Elimizdiń eń ońtústik qıyrynda, О́zbekstan memleketimen shekaralas Jıdelibaısyn jerinde, aq altynnyń otany – Jetisaı qalasynda ornalasqan «Syrdarııa» ýnıversıteti Sizdiń halyqqa arnalǵan «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty tuńǵysh Joldaýyńyzdy elimizdegi joǵary oqý oryndary arasynda alǵashqylardyń biri bolyp talqylap, 2019 jyldyń 18 qazanynda halyqaralyq ǵylymı-tájirıbelik konferensııa ótkizdi. Osy jıynda Joldaýdaǵy basty baǵyttardy júzege asyrýǵa baılanysty maqsat-mindetter aıqyndalyp, qarar qabyldandy.
«Syrdarııa» ýnıversıteti qurylǵannan bergi 22 jylda О́zbekstan Respýblıkasyndaǵy 1 mln-nan astam qandastarǵa jáne Myrzashóldegi 500 myńdaı halyq úshin mektep muǵalimderin daıarlap, jastarǵa joǵary bilim berýde. Materıaldyq-tehnıkalyq bazasy zamanaýı talapqa saı jabdyqtalǵan ýnıversıtet kontıngenti memleket quraýshy ult ókilderi bolǵandyqtan negizgi basymdyq aǵylshyn tilin ıgerýge baǵyttalýda. Osy maqsatta Kembrıdj ýnıversıtetinde bizdiń oqý ornynyń ortalyǵy ashyldy. Professor-oqytýshylar men stýdentter aıtýly ǵylymı jetistikterge qol jetkizýde. Arheologtar buryn-sońdy zerttemegen ortaǵasyrlyq Utyrly (Útirtóbe) qalasyna arheologııalyq zertteý jumystaryn bizdiń ýnıversıtet ǵalymdary júrgizip, ǵylymı aınalymǵa engizdi. Jaratylystaný baǵytynda oqıtyn stýdentter túrli ǵylymı baıqaý men jobalardan jeńimpaz bolyp oralýda. Stýdentterimizdiń sport pen ónerde jetken tabystary da qomaqty. Bitirýshi túlekter túgeldeı jumyspen qamtylǵan.
Bilim-ǵylym izdegen Jetisaı, Maqtaaral aýdandarynyń jastary men О́zbekstandaǵy qandas baýyrlardy jańa ómirge jeteleýde «Syrdarııa» ýnıversıtetiniń ujymy Prezıdenttiń saıasatyn basshylyqqa alady.
Halyqaralyq konferensııaǵa qatysýshy ǵalymdar, professor-oqytýshylar jáne «Syrdarııa» ýnıversıtetiniń stýdentteri Qazaqstan JOO professor-oqytýshylary men stýdentterine Prezıdenttiń Joldaýyn basshylyqqa alýǵa, belgilengen mindetter men is-sharalardy tyńǵylyqty birlese atqarýǵa shaqyryp, úndeý qabyldady.
Memleket basshysynyń el bolashaǵy men Otanymyzdy kórkeıtý jolyndaǵy qyzmetine abyroı, myqty densaýlyq, sarqylmas shabyt, aıtýly tabys tileımiz.
Qurmetpen, «Syrdarııa»
ýnıversıtetiniń ujymy
18.10.2019 jyl
Túrkistan oblysy,
Jetisaı qalasy,
«Syrdarııa» ýnıversıteti
