Qalalyq TJD habarlaıynsha, 28 qazanda 13 saǵat 13 mınýtta «101» pýltine Abylaı han kóshesindegi órt týraly habarlama kelip tústi. О́rt sóndirý bólimsheleri oqıǵa ornyna kelip jetkende, 6 mınýttan keıin aýmaǵy 10 sharshy metrdi qamtyǵan on qabatty turǵyn úıdiń 9-qabatyndaǵy páterdiń qonaq bólmesinde jıhazdardyń janýy oryn alǵan.
Kireberis qatty tútindedi, sonyń saldarynan adamdardyń ómirine qaýip tóndi. Adamdardy evakýasııalaý jáne barlaý úshin gaz tútinnen qorǵaý qyzmetiniń býyny uıymdastyryldy. 10-О́SB órt sóndirýshileriniń jedel áreket etýi men úılesimdi is-qımyldary, sondaı-aq órt bolǵan orynda sapaly barlaý jumysyn júrgizý men sheshýshi baǵytty durys anyqtaı bilýi arqasynda 5 adam qutqaryldy, onyń 1-i bala.
О́rt 13 saǵat 31 mınýtta aýyzdyqtalyp, órttiń ary qaraı taralýyna jol berilmedi. О́rtti sóndirýge jeke quramnan 17 adam jáne 4 birlik tehnıka jumyldyryldy.
О́rtti sóndirý barysynda ýly gazdan jeńil ýlanǵan áıel adam aýrýhanaǵa odan ári tekserý úshin jetkizildi.
