DSU Bas dırektory Roberto Azevedo Qazaqstandy XII Mınıstrlik konferensııasynyń tóraǵasy qyzmetine saılanýymen quttyqtap, bizdiń elimiz ótkizetin halyqaralyq saýda salasyndaǵy jahandyq is-sharaǵa daıyndyq sheńberinde DSU-nyń tyǵyz yntymaqtastyqqa daıyndyǵyn rastady.
Sonymen qatar Saýda jáne ıntegrasııa mınıstri B. Sultanov DSU-nyń aldaǵy Mınıstrlik konferensııasynyń yqtımal sýbstantıvtik qorytyndylaryn talqylaý maqsatynda DSU-ǵa múshe elderdiń negizgi Elshilerimen kezdesti. Kezdesý barysynda ol búgingi kópjaqty saýda júıesi proteksıonızm jáne birjaqty saýda sharalary túrindegi teńdessiz syn-qaterlerge tap bolatynyn atap ótti. Osyǵan baılanysty mınıstr 2020 jyly Nur-Sultan qalasynda mańyzdy sheshimder qabyldaý maqsatynda elderdi belsendi birlesken jumysqa shaqyrdy, bul DSU-ǵa aǵymdaǵy syn-qaterler men qajettilikterge tolyq sáıkes kelýge múmkindik beredi.
DSU-nyń XII Mınıstrlik konferensııasynyń kún tártibindegi negizgi kelissóz baǵyttary DSU-ny reformalaý máseleleri, qyzmetterdi retteý, ınvestısııalar men elektrondyq saýdaǵa járdemdesý salasyndaǵy jańa jahandyq erejeler, sondaı-aq balyq aýlaý sýbsıdııalary boıynsha kelissózder bolady dep kútilýde.
Qazaqstan DSU-ny reformalaý ıdeıasyn qoldaıdy jáne reformalar DSU-ǵa múshe barlyq elder úshin halyqaralyq saýdanyń biryńǵaı básekelestik sharttaryn qamtamasyz etýi tıis degen ustanymdy ustanady.
