Dóńgelek ústeldiń maqsaty – akademııa stýdentterin ımandylyqqa, ınabattylyqqa, aýyzbirshilikke shaqyrý. Akademııa rektory, ǵalym Berik Qaıyphanuly jınalǵandarǵa Alash astanasy bolǵan Semeı qalasynyń tarıhynan syr shertti jáne alashordashy Mirjaqyp Dýlatulynyń «Oıan, qazaq!» shyǵarmasynyń mańyzdylyǵyna toqtalyp ótti.
Sondaı-aq «Pedagogıka jáne áleýmettik ǵylymdar» kafedrasynyń meńgerýshisi Janna Gajkenqyzy dóńgelek ústeldi uıymdastyrýshy stýdentterge osyndaı mańyzdy taqyrypty tereńinen qozǵap uıymdastyrý máselesine oraı aqyl-keńesterin aıtty. Dóńgelek ústelge belsendi stýdentter atsalysyp, din, ımanshylyq taqyrybyna kóbirek toqtaldy. Olardyń sózin qoldaǵan Qazaqstan Innovasııalyq Akademııasyndaǵy tarıhshy maman, dintaný pániniń ustazy Juldyz Asqaruly oı salarlyq pikirlerin aıtyp, jastardy baǵyttap otyrdy. Al uzaq jyldardan beri ustazdyq jolda eńbek etip kele jatqan psıholog ustaz, professor Baǵlan Imanǵalıqyzy oraza ustaý, namaz oqýdaǵy psıhologııalyq erekshelikterge toqtaldy.
- Bizdiń elimiz Konstıtýsııada zaıyrly, quqyqtyq memleket dep jazylǵan, sondyqtan da 130-dan astam ult pen ulys turatyn qazaq jerinde tatýlyq basty qaǵıdat. Memlekette zań boıynsha belgilengen bilgili bir naqty dindi tutyný ár azamattyń dinı bostandyǵy, senimi jáne erkine baılanysty. Dindi zorlap, tańýǵa bolmaıdy. Memleket tarapynan Qurban aıt sııaqty merekeler zańdy túrde belgilengen. Ony elimiz ata-babamyzdyń salt-dástúrine saı atap ótedi. Keıde adamdar oraza tutýdy «kúnádan arylý» dep emes, salmaq tastasam, dene bitimimdi sulýlandyrsam dep ustanyp jatady. Bul menińshe durys emes. Jalpy, namaz oqý, oraza tutý úshin adam psıhologııalyq jaǵynan daıyn bolýy, qabileti, aqyl-oıy jetik bolyp, tolysýy qajet,- dedi Baǵlan Imanǵalıqyzy.
Cemeı
