Ár túrli suraqtarǵa san túrli jaýaptar berildi. Máselen, stýdentter oqý ornynda sybaılas jemqorlyq qandaı jaǵdaılarda kezdeskendigi, kolledjge túsý kezinde para arqyly grantqa qabyldaý boıynsha qyzmet usynylǵandyǵy jáne oqytýshylar ózderiniń avtorlyq kitaptaryn satyp alýǵa májbúrleý derekteri bolǵandyǵy boıynsha suraqtaryna jaýap berdi.
Saýalnama barysynda Mańǵystaý oblysy boıynsha sybaılas jemqorlyqqa qarsy qyzmet departamentiniń bas mamany Nurgúl Muqataı stýdentterge ótkizilip jatqan saýalnamanyń mańyzdylyǵyn aıta ótip, barlyq jastardy parasatty, adal jáne ádil bolýǵa shaqyrdy.
Negizinen bilim salasyndaǵy sybaılas jemqorlyqty aldyn-alýǵa baǵyttalǵan sharalar konferensııalar, dóńgelek ústelder, forýmdar, debat-saıystar keń kólemde ótýde. О́ńirdegi birqatar oqý oryndarynda «Adaldyq dúkenderi» ashylýda.
Stýdentterdiń sybaılas jemqorlyqqa qarsy kózqarasyn qalyptastyrý jáne stýdenttik ortada akademııalyq adaldyq qaǵıdatyn engizý maqsatynda óńirdegi joǵary jáne arnaýly orta oqý oryndarynda «Sanaly urpaq – jarqyn bolashaq» klýbtary qurylyp, adaldyq, parasattylyq jáne ádildik qasıetterin nyǵaıtýǵa baǵyttalǵan is-sharalar kesheni júrgizilip turady.
Mańǵystaý oblysy
