«Senat Tóraǵasy Darıǵa Nazarbaeva osy jyldyń maýsym aıynda buqaralyq aqparat quraldary qyzmetkerleriniń kúnine arnalǵan sharada baıqaýlar ótkizý týraly bastama kótergen bolatyn. Konkýrstyń maqsaty – jýrnalıst mamandyǵynyń bedelin kóterý, «jýrnalıstik zertteý» janryn damytý, ekologııa salasyndaǵy zańnamany jetildirý, jýrnalısterdi qoldaý bolyp otyr. Baıqaýǵa jýrnalıster, respýblıkalyq jáne aımaqtyq telearnalar men gazetterdiń, ınternet-basylymdardyń jáne radıonyń shtattaǵy jáne shtattan tys qyzmetkerleri, blogerler qatysa alady», delingen habarlamada.
Jeńimpazdarǵa baǵaly syılyqtar men qurmet gramotalary beriledi. Jýrnalıstik shyǵarmalardy baıqaýlarǵa joldaı berýge bolady. Qosymsha aqparatty Parlament Senatynyń saıtynda jáne palatanyń áleýmettik jelilerdegi resmı akkaýnttarynan alýǵa bolady.
