Mańǵystaý quramasy 34 taekvondoshydan turdy. Máselen, Xieng baǵdarlamasy boıynsha barlyq 34 sportshy medal aldy, onyń 10 altyn, 8 kúmis jáne 16 qola. Al Massogi boıynsha 6 altyn, 5 kúmis jáne 3 qola medalmen qorjynymyz tolyqty.
«О́rken» oqý ortalyǵynyń jattyqtyrýshysy Búrkit Isakulynyń aıtýynsha, aqtaýlyq taekvondoshylar kórsetken ónerge tánti bolǵandar kóp bolypty. Jeńiske degen jiger men namys jerlesterimizdiń bıikten kórinýine múmkindik bergen.
- Elimizde taekvondo qarqyndy damyp keledi. Bizdiń shákirtterimiz kóptegen jarystarda jeńis tuǵyryn baǵyndyryp júr. Al aımaqta sporttyń osy túrin damytýǵa federasııa prezıdenti Sáttiǵul Ábitov kúsh salyp keledi. Janymyzda bolashaǵynan zor úmit kúttiretin talantty jastar ósip keledi, deıdi bapker. Aqtaýda atalmysh sport túriniń úıirmeleri «О́rken», «О́rleý» sport ortalyqtary jáne Aqtaý qalasyndaǵy №8 orta mektepte bar.
Balǵyn taekvondoshylar kezekti jarysqa qyzý daıyndyq ústinde. Bıyl 1 jeltoqsanda Aqtaýda qalalyq týrnır ótkizý josparlanǵan. Odan soń Oral qalasynda respýblıkalyq deńgeıde jarys uıymdastyrylmaq. Sonymen qatar keler jyly Bolgarııada Álem chempıonaty ótedi.
