Aıtýynsha, sońǵy ýaqytta esirtki bıznesine qarsy kúres jónindegi bólimshelerdiń qyzmeti esirtkiniń iri mólsheri men aýyr túrlerin, onyń ishinde sıntetıkalyq túrlerin ótkizýshilerdi anyqtaýǵa baǵyttalǵan.
Qyrkúıek aıynda asa iri mólsherde esirtki tasymaldaýmen aınalysqan Qazaqstan Respýblıkasynyń 2 azamatshasy ustalyp, shara barysynda jer astyna jasyrylǵan salmaǵy 91 kılogramm shyǵatyn 7 qap «marıhýana» esirtki zaty tabylyp, tárkilengen. Jalpy jyl basynan beri 300-den astam esirtki qylmysy anyqtalǵan bolsa, onyń ishinde: 41 satý jáne 4-eýi asa iri mólsherde saqtaý faktisi.
Zańsyz aınalymnan 196 kılogramm esirtki zaty tárkilendi.
Aqtaý qalasynda jezókshelikpen aınalysýǵa arnalǵan prıton ustaý jáne uıymdastyrýmen uzaq ýaqyt boıy aınalysyp kelgen uıymdasqan qylmystyq toptyń joly kesildi.
Jeńgetaılyq úshin barlyǵy 13 qylmystyq is qozǵaldy.
9 aıda 7 esepte turǵan uıymdasqan qylmystyq toptyń 2 kóshbasshysy jáne 5 qatysýshysy qylmystyq jaýapkershilikke tartyldy.
Oıyn bıznesin zańsyz uıymdastyrýdyń jolyn kesýmen baılanysty birqatar jumystar júrgizilip, nátıjesinde anyqtalǵan 54 fakti boıynsha QR QK 307-babymen qylmysty is qozǵaldy, barlyq qylmystyq ister oblystyq Memlkettik kirister departamentine tergeý rettiligimen joldandy.
-Krımınogendik jaǵdaıǵa keri áser etetin býkmekerlik keńselerdiń qyzmetine jeke toqtalǵym keledi. Taldaý nátıjesi kórsetkendeı, 2 jyl ishinde oblysta býkmekerlik keńselerdiń qyzmetine baılanysty kóptegen ákimshilik quqyq buzýshylyqtardy eseptemegende 97 qylmys tirkelgen, onyń ishinde: 6 qaraqshylyq, 27 tonaý, 36 buzaqylyq jáne 22 urlyq.
Prokýratýra jáne Memlekettik kirister departamentimen birlesip júrgizilgen is-sharalar nátıjesinde 2 jyl ishinde oblys aýmaǵynda 147 býkmekerlik keńselerdiń qyzmeti toqtatyldy, dedi Q.Taımerdenov.
