Jasóspirimder qylmysynyń aldyn alý maqsatynda, jedel-profılaktıkalyq is-sharalardy ótkizýmen qatar, polısııamen bilim jáne dene shynyqtyrý jáne sport basqarmasymen birlese otyryp, jasóspirimderdiń qatysýymen, onyń ishinde patrıottyq sıpattaǵy mádenı, sporttyq-buqaralyq jáne basqa da is-sharalar únemi ótkizilip turady.
- Tájirıbe kórsetip otyrǵandaı, ata-analardyń kópshiligi qazir tabys tabý maqsatynda ár-túrli qyzmettermen aınalysýyna baılanysty balalar tárbıesine kóńil aýdarý nazardan tys qaldy. Osynyń saldarynan jasóspirimder «kósheniń» yqpalyna túsip, quqyq buzýshylyq jasaýda, - degen oblys polısııasynyń basshysy Q.Taımerdenov jergilikti jerlerde jasóspirimderdiń tárbıesine olardyń turǵylyqty jeri boıynsha sport seksııalarynyń jattyqtyrýshylaryn tartýdy usyndy.
Búgingi kúni taǵy bir ózekti jáne óte mańyzdy másele - jas balalarǵa qatysty pedofıldermen jasalatyn jynystyq zorlyq-zombylyq.
5 jyl ishinde oblysta 3 jastan 13 jasqa deıingi jas balalarǵa qatysty seksýaldyq sıpattaǵy 44 qylmys jasalǵan. Barlyq 44 qylmysker-pedofıl ustalyp, ártúrli merzimge bas bostandyǵynan aıyryldy.
Qanat Danııaruly esep berý kezeńinde osy sanattaǵy qylmystardyń azaıýyna qaramastan, mektepke deıingi mekemelerde, sondaı-aq orta mektepterdiń bastaýysh synyptarynda, onyń ishinde jeke balabaqshalar men mektepterde balalar psıhologtarynyń qatysýymen kóshelerde jáne qoǵamdyq oryndarda bóten adamdarmen sóılespeý kerektigin túsindirý týraly sabaqtar ótkizýdi uıymdastyrý qajet dep sanaıtyndyǵyn kórsetip ótti.
