- MÁMS júıesin engizý sharalaryn qosa alǵanda, densaýlyq saqtaý salasynyń bıýdjet kólemi 2020 jyly el boıynsha 1 561,4 mlrd teńgeni quraıdy, onyń 573 mlrd teńgesi – MÁMS aýdarymdary. Qarjylandyrýdyń jalpy kólemi 2019 jylǵy deńgeıden 52%-ǵa artady. Mańǵystaý oblysy boıynsha 2020 jyly 39,5 mlrd teńge kóleminde qarjylandyrý josparlanýda, bul 2019 jylǵy bıýdjetpen salystyrǵanda 1,4 ese joǵary. Sondaı-aq TMKKK aıasynda – 26,6 mlrd teńge, MÁMS aıasynda – 12,9 mlrd teńge, dedi E.Baıjúnisov.
MÁMS júıesi sheńberinde halyqty medısınalyq kómekpen qamtý deńgeıi jalpy el boıynsha 95% -dan asady dep boljanýda (MÁMS júıesin engizý úshin usynylǵan shekti deńgeı keminde 80%-dy quraıdy).
Mańǵystaý oblysy boıynsha bul qamtý 93% - dy quraıdy jáne oblys halqynyń 7% -y nemese 50 myńǵa jýyq adam «shartty túrde saqtandyrylmaǵan» bolyp esepteledi, olar boıynsha mártebeni ózektendirý boıynsha jumystar jalǵasýda.
Áleýetti jetkizýshilerdiń málimetter bazasynda oblys boıynsha 80 densaýlyq saqtaý sýbektisi tirkelgen. Mańǵystaý oblysynyń «MSQ» KEAQ fılıaly TMKKK sheńberinde 2019 jylǵa 51 ónim berýshimen shart jasady, onyń ishinde memlekettik - 26 (51%), jeke - 25 (49%) uıym bar.
Densaýlyq saqtaý mınıstrligi búkil el boıynsha medısınalyq kómektiń jańa paketterin – TMKKK jáne MÁMS engizýge baılanysty medısınalyq kómekti uıymdastyrýda ózgerister bóliginde medısına qyzmetkerleriniń quzyretin arttyrý maqsatynda oqytý semınarlaryn ótkizýde. Bul úshin Mindetti áleýmettik medısınalyq saqtandyrýdyń (MÁMS) jumys isteýi jaǵdaıynda medısınalyq qyzmetter men bıznes-prosesterdiń tizbesin bólý boıynsha oqytý materıaldary ázirlendi.
Aqtaý qalasynda semınarǵa jalpy tájirıbe dárigerleri, densaýlyq saqtaý menedjerleri jáne orta medısınalyq qyzmetkerler qatarynan 100-ge jýyq medısınalyq uıymdardyń qyzmetkerleri qatysty. Densaýlyq saqtaý mınıstrligi Mańǵystaý oblysynda MÁMS júıesi boıynsha oqytý semınarlaryn jalǵastyrady.
Prezıdent 2019 jyldyń 2 qyrkúıeginde joldaǵan Qazaqstan halqyna Joldaýynda, 2020 jyldyń 1 qańtarynan bastap Qazaqstanda Mindetti áleýmettik medısınalyq saqtandyrý júıesi (MÁMS) iske qosylatynyn aıtyp, Úkimetke MÁMS júıesin engizý máselesine jaýapkershilikpen qarap, reformadan kemshilik ketpeýin qadaǵalaýdy tapsyrǵan bolatyn.
2015 jyldan bastap densaýlyq saqtaý júıesin MÁMS-ke daıyndaý boıynsha konstrýktıvtik jáne josparly jumystar júrgizilýde.
Máselen, búgingi kúni barlyq qajetti normatıvtik-quqyqtyq baza qabyldandy. 2015 jyly MÁMS júıesiniń negizgi prınsıpteri men jumys isteý tártibin reglamentteıtin «Mindetti áleýmettik medısınalyq saqtandyrý týraly» QR Zańy qabyldandy. 2020 jyldyń 1 qańtarynan bastap medısınalyq qamtamasyz etý júıesin engizýdi kózdeıtin «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń Kodeksine ózgerister men tolyqtyrýlar engizildi.
