Konferensııa barysynda kóptildi bilim berýdi júzege asyrýdaǵy mektepke deıingi jáne bastaýysh bilim berý sabaqtastyǵy, kóptildi bilim berý jaǵdaıyndaǵy memlekettik tildiń róli, til men pánge kiriktirilgen oqytý ádistemesin (CLIL) engizý jáne damytýdyń ózekti máseleleri, ulttyq mektepterde úshtildi bilim berýdi damytý, sondaı-aq kóptildi tulǵany qalyptastyrýdaǵy úshtildi bilim berýdiń róli taqyryptary talqylandy. «О́rleý» BAUO» AQ fılıaly Almaty qalasy boıynsha PQ BAI dırektory, p.ǵ.d. Sadvakasova Raısa Ajdarovna úshtildi bilim berý strategııasyn damytý maqsatynda uıymdastyrylǵan halyqaralyq dárejedegi konferensııaǵa qatysýshylardy quttyqtap, is-shara barysynda qarastyrylatyn máselelerdiń tıimdi sheshim tabatynyna senim bildirdi.
Konferensııa jumysyna AQSh elshiliginiń, Brıtan Keńesiniń, Fransýz Alıansynyń ókilderi, EQYU ShQNM aımaqtyq mektebiniń (Estonııa, Qyrǵyzstan), Joǵary oqý oryndarynyń (KIMEP, SDÝ) sarapshylary, Almaty qalasy Bilim basqarmasynyń ókilderi, mektepke deıingi jáne bastaýysh bilim berý pedagog qyzmetkerleri, pán muǵalimderi, buqaralyq aqparat quraldarynyń ókilderi qatysty.
Konferensııada Sıngapýrdan, Ýkraınadan kelgen qatysýshylardyń beınedáristeri jáne álemniń túrli elderinen kelgen kóptildi bilim berý salasyndaǵy sarapshylarmen suhbattary usynyldy. Qatysýshylar konferensııanyń daıyndyq jáne ótkizý deńgeıin joǵary baǵalady.
ALMATY
